2011 جىلعى 24 ماۋسىم, استانا, ۇكىمەت ءۇيى
ارناۋلى مەكەمەلەردە قوعامدىق باقىلاۋدى جۇزەگە اسىرۋ ءۇشىن وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ قوعامدىق باقىلاۋ كوميسسيالارىن قۇرۋ قاعيداسىن بەكىتۋ تۋرالى
«ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» قازاقستان رەسپۋبليكاسىنىڭ 1999 جىلعى 30 ناۋرىزداعى زاڭىنىڭ 50-بابىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان ارناۋلى مەكەمەلەردە قوعامدىق باقىلاۋدى جۇزەگە اسىرۋ ءۇشىن وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ قوعامدىق باقىلاۋ كوميسسيالارىن قۇرۋ قاعيداسى بەكىتىلسىن.
2. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ
2011 جىلعى 24 ماۋسىمداعى №702 قاۋلىسىمەن بەكىتىلگەن
ارناۋلى مەكەمەلەردە قوعامدىق باقىلاۋدى جۇزەگە اسىرۋ ءۇشىن وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ قوعامدىق باقىلاۋ كوميسسيالارىن قۇرۋ قاعيداسى
1. جالپى ەرەجەلەر
1. ارناۋلى مەكەمەلەردە قوعامدىق باقىلاۋدى جۇزەگە اسىرۋ ءۇشىن وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ قوعامدىق باقىلاۋ كوميسسيالارىن قۇرۋ قاعيداسى (بۇدان ءارى – قاعيدا) «ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» قازاقستان رەسپۋبليكاسىنىڭ 1999 جىلعى 30 ناۋرىزداعى زاڭىنىڭ 50-بابىنا سايكەس ازىرلەندى جانە ارناۋلى مەكەمەلەردە قوعامدىق باقىلاۋدى جۇزەگە اسىرۋ ءۇشىن وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ قوعامدىق باقىلاۋ كوميسسيالارىن قۇرۋ ءتارتىبىن ايقىندايدى.
2. قوعامدىق باقىلاۋ كوميسسيالارى (بۇدان ءارى – كوميسسيالار) ارناۋلى مەكەمەلەردە ۇستالاتىن ادامدارعا ۇستاۋ جاعدايلارى, مەديتسينالىق-سانيتارلىق قامتاماسىز ەتۋ, ەڭبەگىن, دەمالىسىن جانە وقۋىن ۇيىمداستىرۋ بولىگىندە قازاقستان رەسپۋبليكاسىنىڭ زاڭناماسىندا كوزدەلگەن قۇقىقتارى مەن زاڭدى مۇددەلەرىن جۇزەگە اسىرۋدا ولارعا جاردەم كورسەتۋ ماقساتىندا قوعامدىق باقىلاۋدى جۇزەگە اسىرۋ ءۇشىن قۇرىلادى.
كوميسسيالار زاڭدى تۇلعالار بولىپ تابىلمايدى.
3. كوميسسيالار ءوز قىزمەتىن قازاقستان رەسپۋبليكاسىنىڭ زاڭناماسىنا, قازاقستان رەسپۋبليكاسى راتيفيكاتسيالاعان حالىقارالىق شارتتارعا جانە وسى قاعيداعا سايكەس جۇزەگە اسىرادى.
4. كوميسسيالار ەرىكتىلىك, تەڭ قۇقىقتىق جانە زاڭدىلىق قاعيداتتارىنىڭ نەگىزىندە ارەكەت ەتەدى.
2. كوميسسيالاردى قۇرۋ ءتارتىبى
5. كوميسسيالار ارناۋلى مەكەمەلەردە قوعامدىق باقىلاۋدى جۇزەگە اسىرۋعا نيەت بىلدىرگەن قوعامدىق بىرلەستىكتىڭ (وداقتىڭ, (قاۋىمداستىقتىڭ), قوعامدىق بىرلەستىكتەردىڭ) باستاماسى بويىنشا قۇرىلادى.
6. تەڭ قۇقىقتاردى قامتاماسىز ەتۋ ماقساتىندا قۇرىلاتىن كوميسسيالاردىڭ قۇرامىنا وزگە دە قوعامدىق بىرلەستىكتەردىڭ وكىلدەرى كىرۋى مۇمكىن.
كوميسسيالاردى قۇرۋ باستاماشىسى بۇقارالىق اقپارات قۇرالدارى ارقىلى جانە وزگە دە تاسىلدەرمەن كوميسسيانى قۇرۋ نيەتى تۋرالى قوعامدىق بىرلەستىكتەرگە حابارلايدى.
قوعامدىق باقىلاۋدى جۇزەگە اسىرۋعا نيەت بىلدىرگەن قوعامدىق بىرلەستىكتەر كوميسسيالاردى قۇرۋ باستاماشىسىنا رەسمي ۇسىنىسپەن ءوتىنىش ءبىلدىرىپ, قۇرىلاتىن كوميسسيالاردىڭ قۇرامىنا ءوز مۇشەسىنە وكىلەتتىكتەرىن بەرۋگە قۇقىلى.
7. ارناۋلى مەكەمەلەردە قوعامدىق باقىلاۋدى جۇزەگە اسىرۋ ءۇشىن وبلىستىڭ, استانا جانە الماتى قالالارىنىڭ اۋماعىندا وبلىستىق, استانا جانە الماتى قالالارىنىڭ كوميسسياسى قۇرىلادى جانە جۇمىس ىستەيدى.
8. كوميسسيا 3-تەن 11 ادامعا دەيىنگى قۇرامدا قۇرىلادى. كوميسسيانى كوميسسيا مۇشەلەرىنىڭ كوپشىلىك داۋىسىمەن سايلاناتىن توراعا باسقارادى, ول كوميسسيانىڭ جۇمىسىن جوسپارلايدى, وعان باسشىلىق جاساۋدى جانە قىزمەتىن باقىلاۋدى جۇزەگە اسىرادى.
كوميسسياعا مۇشە بولۋ, مۇشەلىكتى الۋ جانە جوعالتۋ شارتتارى مەن ءتارتىبى, مۇشەلەرىنىڭ قۇقىقتارى مەن مىندەتتەرى كوميسسيا وتىرىسىنىڭ حاتتامالىق شەشىمىمەن ايقىندالادى.
9. قاراماعىندا ارناۋلى مەكەمەلەر بار اۋماقتىق ورگاندارعا ءبىر ۋاقىتتا دەربەس قۇرامى بەكىتىلگەن جانە توراعاسى سايلانعان كوميسسيانىڭ ءبىرىنشى وتىرىسىنىڭ حاتتامالىق شەشىمىن ۇسىنۋ كوميسسيا قىزمەتىنىڭ باستالۋى بولىپ تابىلادى.
10. كوميسسيا مۇشەسىنىڭ وكىلەتتىگى:
1) ءوز وكىلەتتىكتەرىن دوعارۋ تۋرالى جازباشا ءوتىنىش بەرگەن;
2) قايتىس بولعان نەمەسە ونى قايتىس بولدى دەپ جاريالاۋ تۋرالى سوتتىڭ شەشىمى زاڭدى كۇشىنە ەنگەن;
3) وسى كانديداتۋرانى ۇسىنعان قوعامدىق بىرلەستىكتەردىڭ ونى كەرى شاقىرتىپ الۋ تۋرالى شەشىمى;
4) وسى كانديداتۋرانى ۇسىنعان قوعامدىق بىرلەستىك تاراتىلعان;
5) كوميسسيانىڭ حاتتامالىق شەشىمى كەزىندە توقتاتىلادى.
11. كوميسيانى تاراتۋ زاڭنامادا بەلگىلەنگەن تارتىپپەن كوميسسيانىڭ نەمەسە سوتتىڭ شەشىمىمەن جۇرگىزىلەدى.
12. قاعيدانىڭ 10 جانە 11-تارماقتارىندا كورسەتىلگەن ءمان-جايلار تۋىنداعان كەزدە بۇل تۋرالى كوميسسيا مۇشەسى نەمەسە كوميسسيا توراعاسى قاراماعىندا ارناۋلى مەكەمەلەر بار اۋماقتىق ورگاندارعا حابارلايدى.