كەشە مەملەكەت باسشىسى نۇرسۇلتان نازارباەۆ وزبەكستان رەسپۋبليكاسىنىڭ پرەزيدەنتى يسلام كاريموۆپەن تەلەفون ارقىلى سويلەستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
اڭگىمە بارىسىندا مەملەكەت باسشىسى وزبەكستانداعى جەر سىلكىنىسى كەزىندە ادامداردىڭ قۇربان بولۋىنا بايلانىستى شىن جۇرەكتەن كوڭىل ايتتى. نۇرسۇلتان نازارباەۆ مەرت بولعاندار مەن زارداپ شەككەندەردىڭ تۋىستارى مەن جاقىندارىنا ارنالعان ءوزىنىڭ كوڭىل ايتۋىن دا جەتكىزدى. مەملەكەت باسشىسى جەر سىلكىنىسىنىڭ زارداپتارىن جويۋعا كەڭىنەن قولداۋ مەن كومەك كورسەتۋدى ۇسىندى.
سونىمەن قاتار, مەملەكەت باسشىسى نۇرسۇلتان نازارباەۆ پەن وزبەكستان پرەزيدەنتى يسلام كاريموۆ ەكى ەلدىڭ ىنتىماقتاستىعىن ودان ءارى دامىتۋدىڭ بىرقاتار ماسەلەلەرىن تالقىلادى. اتاپ ايتقاندا, ونەركاسىپ جانە اۋىل شارۋاشىلىعى سالالارىنداعى بەلسەندى ەكونوميكالىق ىقپالداستىق ماسەلەلەرى جونىندە پىكىر الىستى.