قازاقستاندا اقىلدى قالالار مەن كولىكتەر, سمارت جارىقتاندىرۋ سەكىلدى وزگە دە جاھاندىق جوبالار قولعا الىنا باستادى.
بۇل جۇمىستارعا كرەمني القابىنىڭ جوعارى تەحنولوگيالىق كومپانيالارى دا جۇمىلدىرىلىپ جاتىر. ويتكەنى كۇندەلىكتى ومىردە قولدانىپ جۇرگەن كوپەگەن ونەرتابىس يدەيالار ناق وسى جەردەن باستاۋ الادى.
ء"بىز سيليكون القابىندا «ساندى قازاقستان» باعدارلاماسىن ويلاستىرىپ جاتىرمىز. وسى مەملەكەتتىك باعدارلاما اياسىندا بىرقاتار ءىرى كومپانيالارمەن كەلىسسوزدەر جۇرگىزىپ كەلەمىز. تاڭدالعان باعىتتاردىڭ قاتارىندا - اقىلدى قالا, يندۋستريالدى ينتەرنەت, اۋىل شارۋاشىلىعى مەن سمارت كولىك سالالارىنداعى جوبالار بار. مىسالى, ءبىز بۇگىن وزدىگىنەن جۇرەتىن كولىك تۋرالى تالقىلادىق", - دەيدى «زەردە» ۇلتتىق ينفوكوممۋنيكاتسيالىق حولدينگى» باسقارماسىنىڭ تورايىمى اسەل جيەنباەۆا.
قالالىق ينفراقۇرىلىمنىڭ دامۋى, قاۋىپسىزدىك پەن جايلىلىق سمارت سيتي دەڭگەيىن قالىپتاستىرادى.
ء"بىز بۇگىن سيسكو كومپانياسىمەن جاھاندىق مەموراندۋمعا قول قويدىق. باستى باعىتتاردىڭ ءبىرى - سمارت سيتي, ياعني اقىلدى قالا مەن اقىلدى كولىك جوباسى بولادى. ءبىز پيلوتتىق جوبانى سيسكو كومپانياسىمەن بىرگە ەلوردامىز استانادا جۇزەگە اسىراتىن بولدىق. ەلباسىمىزدىڭ جولداۋى اياسىندا ادامزات ءومىرىن الدەقايدا جەڭىلدەتەتىن الەمدىك ويىنشىلارمەن كۇش بىرىكتىرەمىز. امەريكا قۇراما شتاتتارىندا جاڭا تەحنولوگيانى ەنگىزۋ وڭايعا سوقپايدى", - دەيدى «زەردە» ۇلتتىق ينفوكوممۋنيكاتسيالىق حولدينگى» باسقارماسىنىڭ ءتورايىمى اسەل جيەنباەۆا.
ال قازاقستان جاڭا اقپاراتتىق تەحنولوگيالاردى سىناۋ ءۇشىن تاپتىرماس ەل. قازاقستاننىڭ كرەمنيلىك ارىپتەستەرى ەلەكتروندى ۇكىمەتتى, تاۋ-كەن ونەركاسىبى مەن ءبىلىم بەرۋ جۇيەسىن جەتىلدىرۋگە ءمان بەرەدى.