22 ماۋسىمدا قاۋىپسىزدىك كەڭەسىنىڭ حاتشىسى – حاتشىلىق مەڭگەرۋشىسى قوزى-كورپەش جاڭبىرشيننىڭ توراعالىعىمەن قاۋىپسىزدىك كەڭەسى ينسپەكتسياسىنىڭ كەزەكتى وتىرىسى ءوتتى.
وتىرىس بارىسىندا قۇقىق قورعاۋ قىزمەتىن ينسپەكتسيالاۋدى ۇيىمداستىرۋ جانە وتكىزۋ ءتارتىبىن ايقىندايتىن قۇجات جوباسى ماقۇلداندى. وسىعان وراي, ونى قۇقىقتىق جاعىنان ءراسىمدەۋ جونىندە مەملەكەتتىك ورگاندار شارالار قابىلدايتىن بولادى.
2010 جىلى قۇقىق قورعاۋ ورگاندارى قىزمەتىن تالداۋ ءناتيجەلەرى نەگىزىندە ولارعا ازاماتتاردىڭ كونستيتۋتسيالىق قۇقىقتارىن قورعاۋعا, قىزمەتكەرلەر اراسىندا سىبايلاس جەمقورلىقتى بولدىرماۋعا جانە ەسكەرتۋگە, بيۋدجەتتىك جۇمساۋلارعا باقىلاۋدى جاقسارتۋعا, ەسەپتىك-تىركەۋ ءتارتىبىن نىعايتۋعا باعىتتالعان تاپسىرمالار بەرىلدى.
سونداي-اق, الداعى مەرزىمگە ارنالعان ينسپەكتسيا قىزمەتىنىڭ نەگىزگى باعىتتارى ايقىندالدى.
«ەگەمەن-اقپارات».