«ەكى حالىق – ءبىر تاعدىر»

وسى اتاۋدى يەلەنگەن كىتاپ پەن فوتوسۋرەتتەر كورمەسى كوپشىلىك نازارىنا ۇسىنىلدى اقتاۋدا ءازىربايجان رەسپۋبليكا­سى­نىڭ باس كونسۋلدىعى اشىلعاننان بەرى نەبىر ىزگى شارالارعا ۇيىتقى بولىپ كەلەدى. سونىڭ ءبىرى «ەكى حالىق – ءبىر تاعدىر» اتتى كىتاپ پەن فوتوسۋرەتتەر كورمەسىنىڭ تۇساۋ­كەسەرى بولدى. كى­تاپ­تىڭ اۆتورى بەلگىلى جۋرناليست ن.زادەرەتسكايا. ال وسىناۋ دوستاس ەكى حالىق­تىڭ ىنتىماعى مەن دوس­تىعىن, ءتۇرلى سالادا­عى بەرىك بايلانى­سىن, ماڭعىس­تاۋ مۇ­نايىنىڭ 50 جىلدى­عىن ءسوز ەتەتىن كىتاپتىڭ جارىق كورۋىنە ءازىرباي­جاننىڭ اقتاۋداعى باس كونسۋلى راشاد ماممادوۆ قولۇشىن بەردى. كىتاپ­تاعى نەگىزگى تاراۋ ەجەلگى ەمبى مەن باكۋ مۇناي­شى­لارى اراسىنداعى بايلانىس, ءازىرباي­جان­دىق مامانداردىڭ ماڭعىس­تاۋدا مۇ­ناي ءون­دى­رىسىنىڭ دامۋىنا قوسقان زور ۇلەسى جايلى دا سىر شەرتەدى. اڭگى­مەگە ارقاۋ ەتكەن ازاماتتاردىڭ ءبىرازى باكۋدەگى ازيزبەكوۆ اتىنداعى مۇناي جانە حيميا ينس­تيتۋتى­نىڭ تۇلەكتەرى بول­سا, ولار بۇل كۇندەرى ءوندىرىس مەكەمە باس­شىلارى ەكەن. ولار دا ءوز كەزەگىندە اۆتورعا دا, كونسۋل­دىق باس­شىلارىنا دا العىستارىن ايتتى. تۋىستاس, كورشىلەس, ەنشىلەس ەكى ەلدىڭ تاۋەل­سىزدىك­تەرىنىڭ 20 جىلدىعى قۇت-بەرە­كە, ورلەۋ مەن كەمەلدەنۋ كەزەڭى بولا بەرسىن دەگەن يگى تىلەكتەرىن ءبىلدىردى. ال ماڭعىس­تاۋدا 40 جىلعا جۋىق ەڭبەك ەتكەن, بۇل كۇندەرى وبلىس ورتالىعىن­داعى «حالىق كەلىسىمى» قوعام­دىق ءبىر­لەس­تىگىنىڭ اقساقال­دارى كەڭە­سى­نىڭ ءتور­اعاسى, اقتاۋ قالاسى­نىڭ قۇرمەتتى ازا­­ماتى, «دوستىق» وردەنى­نىڭ يەگەرى دجاميل يادۋللاوگلى گابي­بوۆ­تىڭ ويىنشا, مۇنداي ءىس-شارالار تاتۋ­لىق­تىڭ تىرەگى, دوستىقتىڭ دانەكەرى. ال ول كىتاپ بولىپ جازىلىپ, سۋرەتتەر ارقىلى كور­مەلەردە كورسەتىلسە, قۇندى­لى­عىنا باعا جەتەر مە؟! جولامان بوشالاق, اقتاۋ.