وتىرىستا العاشقى بولىپ «استانا» حالىقارالىق قارجى ورتالىعى باسقارۋشىسى قايرات كەلىمبەتوۆ, قازاقستان رەسپۋبليكاسىنىڭ ۇلىبريتانيا مەن سولتۇستىك يرلاندياداعى ەلشىسى ەرلان ىدىرىسوۆ جانە انگليا مەن ۋەلستىڭ ەكس باس جوعارعى سۋدياسى لورد گارري كەننەت ۆۋلف ءسوز سويلەدى. جينالىسقا اتالعان كەڭەستىڭ قۇرامىنا كىرەتىن ۇلىبريتانيانىڭ بەدەلدى زاڭ فيرمالارى قاتىستى. كەڭەس مىندەتىنە قارجى ورتالىعىنىڭ جوبالارىنداعى اكتىلەردى قاراۋ جانە ساراپتاۋ, سونداي-اق وزگە دە كەڭەس بەرۋ قىزمەتتەرى جاتادى. سونىمەن قاتار, كەڭەس قۇزىرەتىنە انگليا مەن ۋەلستىڭ قۇقىقتىق قاعيدالارىن نەگىزگە الا وتىرىپ, قۇقىقتىق بازانى قالىپتاستىرۋ جانە الەمدەگى جەتەكشى قارجى ورتالىقتارىنىڭ ستاندارتتارىمەن جۇمىس ىستەۋ كىرەدى. احقو باسقارۋشىسى قايرات كەلىمبەتوۆتىڭ ايتۋىنشا, كەڭەستىڭ قۇرامىنا انگليا مەن ۋەلستىڭ قۇقىقتىق قۇزىرەتى جۇرەتىن ەلدەردە تاجىريبيەسى بار ساراپشىلار كىرگەن. ولار بولاشاقتا قارجى ورتالىعىنىڭ اكتىلەرىن ازىرلەۋ مەن ونىڭ قىزمەتىنە كوپ كومەگىن تيگىزبەك. ول سونداي-اق, قۇقىقتىق كونسۋلتاتسيالىق كەڭەستىڭ جۇمىسىنا Baker McKenzie, Devonshires, Hogan Lovells, Michelmores, Norton Rose Fulbright, and White & Case سەكىلدى الەمنىڭ بەلدى كومپانيالارى دا تارتىلىپ وتىرعانىن مالىمدەدى.
كەشە لوندوندا «استانا» حالىقارالىق قارجى ورتالىعىنىڭ جانىنان قۇرىلعان قۇقىقتىق كونسۋلتاتسيالىق كەڭەستىڭ ءبىرىنشى وتىرىسى ءوتتى, دەپ حابالايدى ورتالىقتىڭ ءباسپاسوز قىزمەتى.