تۇركيانىڭ كۇندەلىكتى شىعاتىن VATAN گازەتى قازاقستان پرەزيدەنتى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسىن تۇرىك تىلىنە اۋدارىپ باسىپ شىقتى, دەپ حابارلايدى قازاقپارات.
ەسكە سالا كەتەيىك, مەملەكەت باسشىسىنىڭ ماقالاسى العاش رەت 12 ساۋىردە «ەگەمەن قازاقستان» گازەتىندە جاريالاندى.
«مەن ەلىمىز مىقتى, ءارى جاۋاپكەرشىلىگى جوعارى ءبىرتۇتاس ۇلت بولۋ ءۇشىن بولاشاققا قالاي قادام باساتىنىمىز جانە بۇقارالىق سانانى قالاي وزگەرتەتىنىمىز تۋرالى كوزقاراستارىمدى ورتاعا سالۋدى ءجون كوردىم», – دەپ جازدى نۇرسۇلتان نازارباەۆ باعدارلامالىق ماقالاسىندا.
تۇركيانىڭ VATAN گازەتى 2002 جىلعى 2 قىركۇيەكتە قۇرىلدى. تيراجى 100 مىڭ دانادان اسادى.