ارقا ءتوسىن ءان مەن جىرعا بولەگەن «جاس قانات» ءان بايقاۋىندا ەل تاۋەلسىزدىگىنىڭ مەرەيىنە ارنالعان ونەرلەرىن ءار قىرىنان كورسەتۋگە تالپىنعان جاستار شىنايى باسەكە بارىسىندا باق سىنادى. ەلىمىزدىڭ ءار تاراپىنان ۇكىلى ۇمىتپەن سىنعا ءتۇسكەن سول ءانشىلەردىڭ اراسىندا جەتىسۋدىڭ قىرمىزى قىزى ارايلىم قالمۇحانبەتوۆا دا بار ەدى. جاس ءانشىنىڭ شىرقاعان ءانى ونەرسۇيەر قاۋىمنان ءوز باعاسىن الدى. جىل باسىندا 300 تالاپكەردىڭ اراسىنان ىرىكتەلگەن 15 ۇمىتكەردىڭ قاتارىنان كورىنگەن ارايلىم جەتىسۋلىقتاردىڭ نامىسىن جىبەرمەي, جۇلدەلى ەكىنشى ورىندى يەلەندى. بۇل ونىڭ العاشقى جەتىستىگى ەمەس, بۇعان دەيىن دە حالىقارالىق فەستيۆالدەردەن ەكى مارتە باس جۇلدەمەن ورالعانىن ايتا كەتكەنىمىز ءجون.
جەرلەستەرى ءانشى قىزدارىن جادىراي قارسى الىپ, قۇشاعىن گۇلدەستەگە ورادى. ارايلىم دا وزىنە قامقور بولعان وبلىستىق مادەنيەت باسقارماسىنداعى باسشىلار مەن دەمەۋشىلىك كورسەتكەن قامقور ازاماتتارعا رياسىز العىسىن جەتكىزدى.
كۇمىسجان بايجان.
الماتى وبلىسى.