ەكىجاقتى ىقپالداستىققا ۇمتىلىس بار

جاقىندا ۆەناداعى حوفبۋرگ سارايىندا قازاقستان رەس­پۋب­ليكاسىنىڭ توتەنشە جانە وكىلەتتى ەلشىسى قايرات ءابدىراح­ما­نوۆ اۆستريا رەسپۋبليكاسىنىڭ فەدەرالدىق پرەزيدەنتى حاينتس فيشەرگە سەنىم گراموتاسىن تاپسىردى. اۆستريا باسشىسىمەن بولعان اڭگىمە كەزىندە ەكىجاقتى قاتىناس­تاردىڭ ءارتاراپتى دامۋىنىڭ قا­زىرگى كۇيى مەن كەلەشەگى تال­قى­لاندى. ەلشى قازاقستان تاۋەل­سىز­دىگىنىڭ 20 جىلدىعىنا وراي­لاس­تى­رىپ, ەلىمىزدىڭ جەتىستىكتەرى تۋ­رالى بايانداپ بەردى, سونداي-اق, پرەزيدەنت نۇرسۇلتان نازار­باەۆ­تىڭ جىل سايىنعى حالىققا جول­داۋىندا جانە ۇكىمەتتىڭ باعدار­لا­مالىق قۇجاتتارىندا ايقىن­دال­عان مەملەكەت دامۋىنىڭ باسىمدىقتارىنان حاباردار ەتتى. ح.فيشەر پرەزيدەنت نۇرسۇل­تان نازارباەۆتىڭ شاقىرۋىمەن جاساعان قازاقستانعا تۇڭعىش رەسمي ساپارىن جانە ەقىۇ-نىڭ استانادا وتكەن مەملەكەت جانە ۇكىمەت باسشىلارىنىڭ تاريحي سامميتىنە قاتىسۋىن جىلى لەبىزبەن ەسكە الدى. قازىرگى كە­زەڭدە جوعارى دەڭگەيدە قول جەتكىزىلگەن ۋاعدالاستىقتاردى ءجۇ­زەگە اسىرۋ ايرىقشا ماڭىزعا يە بولۋدا, اسىرەسە ەكونوميكالىق, يندۋس­تريالىق-يننوۆاتسيالىق جانە مادەني-گۋمانيتارلىق با­عىت­تاردا, دەدى اۆستريا پرەزيدەنتى. 2010 جىلى ەقىۇ-عا ادىلەتتى توراعالىعىن قامتاماسىز ەتۋ ءۇشىن قازاقستاننىڭ بار كۇش-جىگەرىن سالعانى اتاپ ءوتىلدى. وسى ورايدا استانادا قابىلدانعان ۇيىم ءسامميتىنىڭ دەكلاراتسياسى ەقىۇ اۋماعىندا ءوزارا ءىس-قيمىل ءۇشىن وراسان ماڭىزعا يە. تالعات جۇماعۇلوۆ, «ەگەمەن قازاقستان» – ۆەنادان.