ماقسات – مادەني كەڭىستىك قالىپتاستىرۋ

كەشە ەلورداداعى «Radisson SAS» قوناق ۇيىندە استانا ەۋرازيالىق ەكونوميكالىق قاۋىمداستىعى ينتەگراتسيا­لىق كوميتەتىنىڭ مادەنيەت جونىندەگى كەڭەسىنىڭ ءىى وتىرىسى ءوتتى. ماجىلىسكە ەۋرازەق-كە مۇشە مەم­لەكەت­تەر­دىڭ مادەنيەت مينيسترلەرى مەن ورىن­باسارلارى قاتىستى. جيىنعا قاتىسقان قو­ناقتاردىڭ ىشىندە تاجىك­ستان, قىرعىزستان جانە قازاق­ستان بويىنشا الماتىداعى يۋنەسكو-نىڭ كلاستەرلىك بيۋ­روسىنىڭ وكىلدەرى دە بولدى. ءماجىلىستى ەۋرازيالىق ەكو­نوميكالىق قاۋىمداستىعى ين­تەگراتسيالىق كوميتە­تى­نىڭ ءتور­اعا­سى الەكساندر اۆدەەۆ اش­تى. ال العاشقى ءسوز كەزەگىن العان قر مادەنيەت ءمينيسترى مۇحتار قۇل-مۇحاممەد ءوز ءسو­زىن­دە: «ەۋرازەق ينتە­گرا­تسيالىق كوميتە­تى­نىڭ كەڭەسى قا­زاقستان پرەزيدەنتى نۇر­سۇلتان نازارباەۆتىڭ قولداۋىمەن ەلى­مىزدە ەكىنشى رەت وتكىزىلىپ وتىر.  وتكەن جىلى ءىرى حالىق­ارالىق ۇيىمعا توراعالىق ەتكەن قازاقستان بۇل جولى يسلام كونفەرەنتسياسىنا توراعا­لىق ەتپەك. بۇل رەتتە, وسى جەردە سىزدەردى قابىلداپ, كەزەكتى وتىرىستى وتكىزىپ وتىر­عانىمىزعا قۋانىشتىمىز», – دەي كەلە ول جىل سايىن ەلىمىزدە حالىقارالىق كونكۋرستار, تەاتر فەستيۆالدەرى, «ەۋرازيا» كينوفەستيۆالى ءوتىپ تۇ­راتىنىنا, جۋىردا عانا ونىن­شى ماسكەۋ ءپاسحالدى فەستيۆالى شەڭبەرىندە سانكت-پەتەر­بۋرگتەگى ۆ.گەرگيەۆ جەتەكشىلىك ەتەتىن ماريا تەاترىنىڭ سيم­فو­نيا­لىق وركەسترىنىڭ كەشى استانا مەن الماتى قالا­لا­رىندا وتكەندىگىنە توقتالدى. ودان ءارى ول قوناقتاردى كەشكە قاراي «قازاق­ستان» ورتالىق كونتسەرت زالىندا وتەتىن شىۇ-عا مۇشە مەملەكەت­تەرى­نىڭ ونەر فەس­تيۆالىنە, سونداي-اق ەۋرازەق حالىق­تا­رى مادە­نيەتتەرى ءىى فەستيۆالىنىڭ اشى­لۋ سالتاناتىنا قاتىسۋعا شا­قىرۋدى دا ۇمىتپادى. بۇدان سوڭ ماجىلىستە ەۋرازيا ەكونو­ميكالىق قاۋىم­داس­تى­عى ينتەگراتسيالىق كوميتەتىنە مۇشە مەملەكەتتەردەن كەل­گەن مادەنيەت وكىلدەرى كەلەلى ماسەلەلەردى ورتاعا سا­لىپ, ونىڭ شەشۋ جولدارىن قا­راس­تىردى. وندا ەۋرازەق مۇشە مەملە­كەت­تەردىڭ مادە­نيەت سالاسىنا بايلانىسى تۋ­رالى كەلىسىم جوباسى, جوبا­نىڭ  نەگىزگى باعىتتارى مەن ولار­دى جۇزەگە اسىرۋ جولدا­رى, ەۋرازەق حالىقتارىنىڭ ءىى مادەنيەت فەستيۆالى,  ەۋرازەق ين­تە­گرا­تسيا­لىق كو­مي­­تەتىنىڭ حاتشىلىعىمەن ءوز­ارا تۇسىنىستىك تۋرالى مە­مو­راندۋمنىڭ ورىن­دالۋ بارىسى تۋرالى ءسوز بولدى. سونداي-اق, بۇۇ ءبىلىم, عىلىم جانە مادەنيەت ءجو­نىندەگى (يۋنەسكو) حاتشىلىعىمەن ارا­داعى مادەنيەت سالاسىنا قاتىستى ماسە­لە­لەرگە بايلانىستى دا اڭگىمە قوزعالدى. جانە كەڭەستىڭ ءىس-جوسپارىنىڭ ستراتە­گيا­لىق   باعىت-باعدارى تالقىلانىپ, قو­عام­داستىقتىڭ جالپى مادەني كەڭىستىگىن قالىپ­تاستىرۋعا باعىتتالعان مادەنيەت سالاسى بويىنشا ينتەگراتسيالانۋدىڭ ناقتى مەحانيزمدەرىن انىقتاۋ ماسەلەسى دە ءسوز بولدى. جۇلدىز ءبايدىلدا.