2010 جىلعى 28 شىلدە №399 استانا قالاسى
«باستاۋىش, نەگىزگى ورتا جانە جالپى ورتا ءبىلىمنىڭ جالپى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا قابىلداۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترى مىندەتىن اتقارۋشىنىڭ 2007 جىلعى 25 جەلتوقسانداعى № 651 بۇيرىعىنا تولىقتىرۋلار ەنگىزۋ تۋرالى
«ءبىلىم تۋرالى» قازاقستان رەسپۋبليكاسىنىڭ زاڭىن ىسكە اسىرۋ ماقساتىندا بۇيىرامىن:
1. «باستاۋىش, نەگىزگى ورتا جانە جالپى ورتا ءبىلىمنىڭ جالپى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا قابىلداۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترى مىندەتىن اتقارۋشىنىڭ 2007 جىلعى 25 جەلتوقسانداعى № 651 بۇيرىعىنا (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە № 5111 تىركەلگەن, «زاڭ گازەتىنىڭ» 2008 جىلعى 28 تامىزداعى № 131 (1531) سانىندا جاريالانعان) مىناداي تولىقتىرۋلار ەنگىزىلسىن:
كورسەتىلگەن بۇيرىقپەن بەكىتىلگەن باستاۋىش, نەگىزگى ورتا جانە جالپى ورتا ءبىلىمنىڭ جالپى ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنا قابىلداۋدىڭ ۇلگى ەرەجەسى مىناداي مازمۇنداعى 5-تاراۋمەن تولىقتىرىلسىن:
«5. دارىندى بالالارعا ارنالعان مامانداندىرىلعان ءبىلىم بەرۋ ۇيىمدارىنا (قازاق-تۇرىك ليتسەيلەرىنە) قابىلداۋ ەرەكشەلىكتەرى
17. دارىندى بالالارعا ارنالعان مامانداندىرىلعان ءبىلىم بەرۋ ۇيىمدارىنا (قازاق-تۇرىك ليتسەيلەرىنە) (بۇدان ءارى - قتل) التىنشى سىنىپتى بىتىرگەن بالالاردى قابىلداۋ كونكۋرستىق نەگىزدە ءتۇسۋ ەمتيحاندارىنىڭ ناتيجەسى بويىنشا ءجۇزەگە اسىرىلادى. قتل باسشىلارى وقۋعا تۇسۋشىلەردى, ولاردىڭ اتا-انالارىن نەمەسە وزگە دە زاڭدى وكىلدەرىن قابىلداۋ ەرەجەلەرىمەن, جارعىمەن جانە قتل-دە ءبىلىم بەرۋ پروتسەسىنىڭ ۇيىمداستىرىلۋىن رەتتەيتىن باسقا دا قۇجاتتارمەن تانىستىرۋى قاجەت.
18. وقۋشىلاردى قابىلداۋدى ۇيىمداستىرۋ جانە ءتۇسۋ ەمتيحاندارىن وتكىزۋ ماقساتىندا قازاقستان رەسپۋبليكاسى ءبىلىم جانە عىلىم مينيسترلىگىمەن 2003 جىلعى 17 ناۋرىزدا استانا قالاسىندا جاسالعان «قازاقستان رەسپۋبليكاسىنداعى قازاق-تۇرىك وقۋ ورىندارىنىڭ ءبىلىم بەرۋ سالاسىنداعى ىنتىماقتاستىعى تۋرالى كەلىسىم» شەڭبەرىندە ارەكەت ەتەتىن «KATEV» حالىقارالىق قوعامدىق قورى قۇرعان ورتالىق قابىلداۋ كوميسسياسى جاساقتالادى.
19. جەرگىلىكتى جەرلەردە ءتۇسۋ ەمتيحاندارىن وتكىزۋ جانە ەمتيحان پاراقتارىن ورتالىق قابىلداۋ كوميسسياسىنا جىبەرۋ ءۇشىن قتل باسشىلارى ءۇش پەداگوگتەن تۇراتىن جەرگىلىكتى قابىلداۋ كوميسسياسىن قۇرادى.
20. قتل-گە ءتۇسۋ ەمتيحاندارى ەكى كەزەڭنەن تۇرادى:
ءبىرىنشى كەزەڭ – تەستىلەۋ نىسانىندا وتكىزىلەدى جانە جەتىنشى سىنىپقا دەيىنگى ماتەماتيكا كۋرسى بويىنشا باعدارلامالىق ماتەريالداردان جانە لوگيكا بويىنشا سۇراقتاردان تۇرادى. سۇراقتاردىڭ جالپى سانى - 60. تەستىلەۋ وقۋشىنىڭ تاڭداۋى بويىنشا قازاق نەمەسە ورىس تىلدەرىندە وتكىزىلەدى. تەستىلەۋگە 1 ساعات 40 مينۋت بەرىلەدى.
ەكىنشى كەزەڭ – پسيحولوگيالىق–تالدامالىق تەست. ءتۇسۋ ەمتيحاندارىنىڭ ەكىنشى كەزەڭىندە وقۋشىلار قتل ينتەرناتتارىندا 5-8 كۇن تۇرادى جانە ولاردىڭ ۇجىمدىق ورتاعا بەيىمدەلۋىن تەكسەرەتىن جانە وقۋ ماتەريالىن قابىلداۋ دەڭگەيىن انىقتايتىن ماتەماتيكا, قازاق, تۇرىك جانە اعىلشىن تىلدەرى بويىنشا كۋرستارعا قاتىسادى.
21. جەرگىلىكتى كوميسسيا ءبىرىنشى كەزەڭنىڭ قورىتىندىلارى بويىنشا تەستىلەۋ ناتيجەلەرىن كونكۋرس (رەيتينگ) بويىنشا ەڭ جوعارعى بالل جيناعان ەكىنشى كەزەڭگە وتەتىن وقۋشىلاردىڭ سانىن انىقتايتىن ورتالىق قابىلداۋ كوميسسياسىنا جىبەرەدى.
ءبىر سىنىپتى (25 ادام) جيناۋ كەزىندە ەكىنشى كەزەڭگە 40-تان اسپايتىن وقۋشى شاقىرىلادى, ال ەكى (50 ادام) نەمەسە ءۇش (75 ادام) سىنىپ جيناۋ كەزىندە ەكىنشى كەزەڭگە تيىسىنشە 80-نەن نەمەسە 120-دان اسپايتىن وقۋشى شاقىرىلادى.
ەكىنشى كەزەڭنىڭ قورىتىندىلارى بويىنشا جەرگىلىكتى كوميسسيا ءار سىنىپ ءۇشىن حاتتاما جازىپ, ولاردى قابىلداۋ تۋرالى شەشىم شىعارۋ ءۇشىن ورتالىق قابىلداۋ كوميسسياسىنا جىبەرەدى.
22. ءاربىر كەزەڭنىڭ ناتيجەسى ولار وتكىزىلگەننەن كەيىن ون بەس كۇنتىزبەلىك كۇن وتكەن سوڭ جاريالانادى. قابىلدانعان شەشىممەن كەلىسپەگەن جاعدايدا وقۋشى اپەللياتسياعا بەرە الادى. اپەللياتسيا ناتيجەلەر جاريالانعاننان كەيىن ءتورت كۇنتىزبەلىك كۇن ىشىندە بەرىلەدى جانە اپەللياتسيالىق كوميسسيامەن قارالادى.
23. ءتۇسۋ ەمتيحاندارىنىڭ قورىتىندىلارى بويىنشا ورتالىق قابىلداۋ كوميسسياسى ليتسەيگە ەڭ جوعارى بالل جيناعان جانە قتل باسشىلارىنىڭ بۇيرىقتارىمەن بەكىتىلگەن قتل-گە قابىلداۋ قۇقىعىنا يە بولعان وقۋشىلار ءتىزىمىن جولدايدى.».
2. مەكتەپكە دەيىنگى جانە جالپى ورتا ءبىلىم دەپارتامەنتى (ن. ارشابەكوۆ):
1) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن;
2) مەملەكەتتىك تىركەۋدەن وتكەننەن كەيىن وسى بۇيرىقتى بۇقارالىق اقپارات قۇرالدارىندا جاريالاسىن.
3. وسى بۇيرىقتىڭ ورىندالۋىن باقىلاۋدى وزىمە قالدىرامىن.
4. وسى بۇيرىق رەسمي جاريالانعاننان كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
ءمينيستردىڭ مىندەتىن اتقارۋشى م. سارىبەكوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 23 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 6425 بولىپ ەنگىزىلدى.