سسكوب تاريحى ماگنيتوگورسك مەتاللۋرگيا كومبيناتىمەن تىعىز بايلانىستى. بۇگىندە تمد مەن رەسەي كاسىپورىندارىنىڭ ەڭ ءىرىسى بولىپ سانالاتىن ماگنيتوگورسكىنىڭ مەتاللۋرگيا كومبيناتىنا, سسكوب الپىس جىلدان استام ۋاقىت ءوزىنىڭ تەمىركەنى شيكىزاتىن ۇزبەي جەتكىزىپ كەلەدى. بۇل كۇردەلى داعدارىس كەزەڭىندە دە بۇزىلعان جوق. وسىنداي ءوزارا ارىپتەستىكتىڭ ناقتى دالەلى رەتىندە 2016 جىلدىڭ جەلتوقسانىندا جاسالعان «ماگنيتوگورسك مەتاللۋرگيا كومبيناتى» (ممك) ااق مەن Eurasian Resources Group (ERG) اراسىنداعى كەزەكتى ستراتەگيالىق كەلىسىم-شارتتى ايتۋعا بولادى. ەكى جاق شەكەمتاس پەن كونتسەنتراتتى قوسقاندا 30 ملن تەمىركەنى شيكىزاتىن سسكوب «ممك» ااق-نا 2020 جىلدىڭ اياعىنا دەيىن جەتكىزىپ تۇراتىندىعى تۋرالى كەلىسىمگە كەلگەن بولاتىن. بۇل سوڭعى ۋاقىتتاعى ەڭ ءىرى كەلىسىم-شارت بولىپ تابىلادى.
« جىلدىڭ ۇزدىك جەتكىزۋشىسى اتانۋ – وتە قۇرمەتتى اتاق. سسكوب ممك تۇراقتى ءارى سەنىمدى جۇمىسىن باعالايدى جانە ءوزارا تاجىريبەنىڭ ارتۋىنىڭ تاماشا مۇمكىندىگى مەن ىسكەرلىك بايلانىستاردىڭ نىعايا تۇسەتىندىگىنە سەنەدى. سسكوب مەن ممك-نىڭ ەڭبەكتەگى ىنتىماقتاستىعى – تاۋ-كەن ءوندىرىسىنىڭ بىرىڭعاي ءتيىمدى تەحنولوگيالارىن قۇرۋدا باسقالارعا ۇلگى بولادى. رەسەي مەن قازاقستاننىڭ مەتاللۋرگيا جانە تاۋ-كەن سالاسىنىڭ جەتەكشى كاسىپورىندارى ءۇشىن ەڭ ماڭىزدىسى, تۇراقتى جۇمىسىن ودان ءارى دە جالعاستىرا بەرۋ دەپ ۇمىتتەنەمىز» دەدى «سسكوب» اق پرەزيدەنتى بەرەكە مۇحامەتقاليەۆ.
ءنازيرا جارىمبەتوۆا,
«ەگەمەن قازاقستان»
رۋدنىي