مەكتەپتەردە ساباقتاردىڭ باستالۋ ۋاقىتى بۇرىنعىشا قالادى - يسەكەشەۆ

استانادا تاڭەرتەڭگى جۇمىستى باستاۋ ۋاقىتىن ديففەرەنتسياتسيالاۋ بويىنشا اكىمدىكتىڭ جوسپارى وزگە دە شارالارمەن قاتار قالا كوشەلەرىن كولىك كەپتەلىسىنەن ارىلتۋعا سەپتىگىن تيگىزۋى ءتيىس. بۇل تۋرالى اسەت يسەكەشەۆ «Elorda Aqparat» مەديا-رەسۋرسىنا بەرگەن سۇحباتىندا تولىق ايتىپ بەردى. «تاجىريبە كورسەتىپ وتىرعانداي, ورتالىق كوشەلەر بويىنشا ەڭ كوپ ترافيك بارلىعى ءبىر مەزگىلدە بالاباقشالارعا, مەكتەپكە, جۇمىسقا بارا جاتاتىن 8.00-دەن 8.45-كە دەيىن بايقالادى. بۇل اعىندى ازايتۋ ءۇشىن جۇمىستىڭ باستالۋ ۋاقىتىن اۋىستىرۋ جونىندە ۇكىمەت قاۋلىسىن قابىلداۋدى ۇسىنامىز. مەكتەپتەردە ساباقتاردىڭ باستالۋ ۋاقىتى بۇرىنعىشا قالادى - تاڭەرتەڭگى 8-دەن باستاپ. مينيسترلىكتەر مەن وزگە دە ورتالىق مەملەكەتتىك ورگانداردىڭ جۇمىس ۋاقىتىن - 8.30-عا, جوو-لار مەن ارنايى ورتا ءبىلىم مەكەمەلەرىنىڭ ساباقتارىن - تاڭەرتەڭگى 10-عا, حالىققا قىزمەت كورسەتۋ ورتالىقتارىنىڭ جۇمىس كەستەسىن سونداي-اق, تاڭعى 10-عا اۋىستىرۋ ۇسىنىلۋدا. بۇل شارالاردىڭ بارلىعى ترافيكتى دۇرىس ۇيىمداستىرۋعا جانە كولىكتەردىڭ قالا بويىنشا اناعۇرلىم جايلى قوزعالىسىن قامتاماسىز ەتۋگە ىقپالىن تيگىزەدى», - دەپ ءمالىم ەتتى اكىم.