الماتىدا وسىمەن 6-شى رەت وتكىزىلىپ وتىرعان قايىرىمدىلىق مارافونىنا قاتىسۋشىلار سانى بۇرىنعىدان ءتىپتى دە ارتا تۇسكەن. قاتىسۋشىلاردىڭ باسىم بولىگى كاسىبي سپورتشىلار ەمەس, كوپشىلىگى مارافونعا قىزىعۋشىلىعى بار, ءوزىنىڭ دەنەسىن شىنىقتىرۋ ءۇشىن قاتىساتىندار.
مارافوننىڭ اشىلۋىندا الماتى قالاسىنىڭ اكىمى باۋىرجان بايبەك پەن ۆەلوسپورتتان وليمپيادا چەمپيونى الەكساندر ۆينوكۋروۆ قاتىناسىپ, بۇل مارافوننىڭ بۇقارالىق سپورتتى دامىتۋدا ماڭىزى زور ەكەنىن اتاپ ءوتتى. قاتىسۋشىلار اراسىندا ونەر, سپورت جۇلدىزدارى دا بار. مارافون باستالار الدىندا ءتۇرلى كومپانيالار, فيرمالار, ۋنيۆەرسيتەتتەر, قوعامدىق بىرلەستىكتەر وزدەرىنىڭ اكتسيالارىن وتكىزىپ, كوماندالارىن تانىستىردى. الماتىلىق جوو ستۋدەنتتەرى ەكيدەن-كوماندالىق مارافونىنا تىركەلدى.
بيىل مارافونعا الەمنىڭ 38 ەلىنەن 13 000-نان استام ادام جازىلىپتى. وسىلايشا يگى داستۇرگە اينالعان بۇل مارافوننىڭ اۋقىمى جىل ساناپ كەڭەيىپ كەلەدى.