قىرعىز سىرتقى ساياسي ۆەدومستۆوسىنىڭ باسشىسى شانحاي ىنتىماقتاستىق ۇيىمىنىڭ سىرتقى ىستەر مينيسترلەرى كەڭەسىنىڭ وتىرىسىنا قاتىسۋ ءۇشىن استاناعا كەلگەن بولاتىن.
«قازاقستان ءۇشىن قىرعىزستان - ستراتەگيالىق ارىپتەس جانە وداقتاس. بۇگىن ەلدەرىمىز اراسىنداعى ەكىجاقتى ىنتىماقتاستىق دامۋىنىڭ قارقىندى ۇدەرىسى بايقالۋدا», - دەدى ق. ءابدىراحمانوۆ كەزدەسۋدە.
كەزدەسۋ بارىسىندا مينيسترلەر قازاقستان-قىرعىز كۇن ءتارتىبىنىڭ وزەكتى ماسەلەلەرىن كونسترۋكتيۆتى جانە سەنىمدى سيپاتتا قاراستىردى.
ورتالىق ازياداعى سۋ رەسۋرستارىن ءتيىمدى پايدالانۋ ماسەلەلەرىنە ەرەكشە نازار اۋدارىلدى.
سۇحباتتاسۋشىلار شەكارالاس ىنتىماقتاستىعىن كەڭەيتۋ جانە ەكى ەل ازاماتتارىنىڭ قاتىناسۋى مەن ءوزارا ساپارلار ءۇشىن جاعىمدى جاعدايلار جاساۋ بويىنشا بىرلەسكەن جۇمىستى جانداندىرۋعا كەلىستى.
سونداي-اق, سىرتقى ساياسي ۆەدومستۆولار باسشىلارى ەۋرازيالىق ەكونوميكالىق وداق شەڭبەرىندەگى ءوزارا ءىس-قيمىل مەن 14 ساۋىردە بىشكەكتە وتكەن جوعارعى ەۋرازيالىق ەكونوميكالىق كەڭەستىڭ وتىرىسىندا مەملەكەت باسشىلارى اراسىندا قول جەتكىزىلگەن ۋاعدالاستىقتاردى ىسكە اسىرۋ ماسەلەلەرىن تالقىلادى.
سونىمەن قاتار, تاراپتار ورتالىق ازيانىڭ ورتاق مۇددەلەرىن جىلجىتۋ بويىنشا سونىڭ ىشىندە قازاقستاننىڭ بۇۇ قاۋىپسىزدىك كەڭەسىندەگى 2017-2018 جج. مۇشەلىگى مانماتىندە ۇيلەستىرۋدى جالعاستىرۋدىڭ ماڭىزدىلىعىن اتاپ شىقتى.