بۇگىن ۇكىمەت ۇيىندە قازاقستان پرەمەر-ءمينيسترى باقىتجان ساعىنتاەۆ قر پرەزيدەنتى ن.نازارباەۆتىڭ استانا قالاسىنىڭ الەۋمەتتىك-ەكونوميكالىق دامۋى ماسەلەلەرى جانە حالىقارالىق «استانا ەكسپو-2017» مامانداندىرىلعان كورمەسىنە دايىندىق بارىسى بويىنشا تاپسىرمالاردى ىسكە اسىرۋ جونىندە كەڭەس وتكىزدى. بۇل تۋرالى primeminister.kz حابارلادى.
كەڭەس بارىسىندا مەملەكەت باسشىسى «ەكسپو-2017» ارالاۋ كەزىندە ءوز سوزىندە ايتىپ وتكەندەي, استانا قالاسىن ەلىمىزدەگى تسيفرلىق تەحنولوگيالاردى ەنگىزۋگە ارنالعان نەگىزگى الاڭ رەتىندە دامىتۋ ماسەلەلەرى تالقىلاندى.
وسىعان بايلانىستى قر پرەمەر-ءمينيسترى ب.ساعىنتاەۆ ەلوردا اكىمدىگىنە عانا ەمەس, بارلىق مەملەكەتتىك ورگاندارعا ەلوردانىڭ كولىك ينفراقۇرىلىمىن, تۇرعىن ءۇي سەكتورىن, قالا باسقارماسىنىڭ بارلىق سالالارىندا زاماناۋي تسيفرلىق تەحنولوگيالاردى ەنگىزۋدى اۋقىمدى دامىتۋ بويىنشا بىرقاتار تاپسىرمالار بەردى.