قازاقستاننىڭ قىزىل جارتى اي قوعامى پاۆلوداردا سۋ تاسقىنىنان زارداپ شەككەن قازاقستاندىقتارعا گۋمانيتارلىق كومەك كورسەتۋ اكتسياسىن جاريالادى, دەپ حابارلايدى «قازاقپارات».
اكتسيا بارىسىندا جينالعان قاراجاتقا زارداپ شەككەن ازاماتتارعا قاجەتتى زاتتار الۋعا جۇمسالادى. كومەك قارجىلاي اقشا اۋدارۋ تۇرىندە دە, ازىق-ت ۇلىك, جەكە گيگيەنا زاتتارى, ججم تۇرىندە دە قابىلدانادى.
«قازىرگى تاڭدا بارلىق قازاقستاندىقتار ادامزاتتىڭ تابيعي اپاتتىڭ الدىندا قاۋقارسىز ەكەندىگىنە كۋا بولىپ وتىر. سونىڭ ىشىندە, پاۆلودار وبلىسى دا بار. ءبىزدىڭ اقتوبە, قاراعاندى جانە اقمولا وبلىسىنداعى وتانداستارىمىز زارداپ شەكتى. قيىن جاعدايعا تاپ بولعان حالىق ءبىزدىڭ قولداۋىمىزعا ءزارۋ. زارداپ شەككەندەردىڭ قايعىسىنا ورتاقتاسىپ, پاۆلودار جانە پاۆلودار وبلىسىنىڭ تۇرعىندارىن كومەك كورسەتۋگە شاقىرامىز», - دەدى قىزىل جارتى اي قوعامىنىڭ پاۆلودارداعى بولىمشەسىنىڭ باسشىسى گۇلنار يساقانوۆا.