اكىمشىلىك ىستەردى ەلەكتروندى تۇردە جۇرگىزۋدى تەستىلەۋ بيىل جازدا استانادا باستالادى. بۇل تۋرالى باس پروكۋراتۋرانىڭ قۇقىقتىق ستاتيستيكا جانە ارنايى ەسەپ كوميتەتىنىڭ باسشىسى باعدات مۋسين مالىمدەدى.
"پلانشەتتەر تابەلدىك قارۋدان ارتىق بولادى. نەگە؟ ويتكەنى ول ارقىلى بارلىق قۇجاتتار تولتىرىلادى. ماسەلەن جول پوليتسياسى. ءبىز استانا اكىمدىگىمەن كەلىسىپ قويدىق. جسن ەنگىزە بولدى, بارلىق مالىمەتتەر شىعادى. كولىك ءنومىرىن ەنگىزسە دە, ول تۋرالى بارلىق مالىمەت كورسەتىلەدى. ارى قاراي باپتى عانا تاڭداۋ قالادى", - دەپ ءتۇسىندىردى مۋسين.
ءمۋسيننىڭ سوزىنشە, تاجىريبەلىك جوبا استانادا بيىل جازدا باستالادى.
"ماۋسىم-شىلدەلەردە استانادا تاجىريبەدەن وتكىزە باستايمىز. پلانشەت تاراتىپ. ولار قاۋىپسىز. وندا مالىمەتتەردى قورعاۋ قاراستىرىلعان. سونىمەن بىرگە, ورىنىندا قاجەتى تولەم جاساۋ ءۇشىن كارتريدەرلەر دە قاراستىرىلعان. بارلىق مالىمەت ادامعا كورسەتىلەدى, ول قولىن قويادى. ەلەكتروندى تۇردە بولعاندىقتان, بىردەن مالىمەت بازاسىنا تۇسەدى. ول جەردەن بارلىق ەكىنشى دەڭگەيلى بانكتەرگە. بانكتەر تولەم قابىلداعان سوڭ, بىردەن بىزگە حابار جىبەرىپ, ايىپپۇلدى العىزىپ تاستايدى", - دەيدى ول.
سونىمەن قاتار, بۇل جۇيەنى قىلمىستىق ءىستى جۇرگىزۋگە دە ەندگىزۋ بويىنشا جوسپارلار بار.
"قىلمىستىق ءىس - وتە كۇردەلى, بارلىقتەرگەۋ امالدارى سارالانۋى كەرەك. اۆتوماتتاندىرۋ ءىسىن باستاپ كەتتىك. بارلىق ورگاندار ءبىر اقپاراتتىق جۇيەمەن جۇمىس ىستەيتىن بولادى. ادۆوكاتقا قانداي دا ءبىر مالىمەت قاجەت بولسا, ەلەكتروندى تۇردە الا الادى. ورگانداردىڭ بارلىق امالى تىركەلەتىن بولادى. بۇل جالعان قۇجات جاساۋ مەن جوعالۋىنا جول بەرمەيدى. قاعاز قۇجاتتار ارى-بەرى وبلىس, اۋدان مەن رەسپۋبليكالىق ورتالىقتار ارسىندا جۇرەدى. مۇنىڭ ءبارى جويىلىپ, بارىنە ورتاق ە-قىلمىستىق ءىس جۇيەسى ۇسىنىلادى", - دەيدى مۋسين.