اقتاۋدا «دوستىق ءۇيى» مەملەكەت باسشىسى ن.نازارباەۆتىڭ تاپسىرماسىنا سايكەس, تاۋەلسىزدىكتىڭ 25 جىلدىعىنا ازىرلىك اياسىندا, 2015 جىلى جەلتوقساندا اشىلدى. ماڭعىستاۋ وبلىستىق قازاقستان حالقى اسسامبلەياسى جانىنان اشىلعان «دوستىق ءۇيىندە» قازىرگى تاڭدا «قوعامدىق كەلىسىم» كوممۋنالدىق مەملەكەتتىك مەكەمەسى ورنالاسقان.
– ماڭعىستاۋداعى بارشا ۇلتتى ءبىر شاڭىراققا بىرىكتىرەتىن «دوستىق ۇيىندە» بارلىق جاعداي جاسالعان. وبلىسىمىزداعى ەتنومادەني بىرلەستىكتەر مەن جاستار ۇيى-
مىنىڭ مۇشەلەرىنە ارنالعان ارنايى كابينەتتەر اشىلدى. كابينەتتەر زاماناۋي قۇرال-جابدىقتارمەن قامتىلعان. ماڭعىستاۋ وبلىسىندا قازاقستان حالقى اسسامبلەياسىنىڭ اشىلۋ تاريحى مەن ەتنومادەني بىرلەستىكتەردىڭ قىزمەتى تۋرالى مۋزەي جاساقتالدى. مۋزەيدە 21 ۇلتتىڭ مادەني مۇراسى مەن ءولكەمىزدە بىرلىك پەن تاتۋلىقتى, دوستىق پەن ىنتىماقتاستىقتى ناسيحاتتاپ, دامىتۋعا قوماقتى ۇلەس قوسقان قوعام قايراتكەرلەرىنىڭ ءومىرى مەن شىعارماشىلىعى تۋرالى اقپاراتتار قويىلعان, – دەيدى ماڭعىستاۋ وبلىسى قازاقستان حالقى اسسامبلەياسى حاتشىلىعىنىڭ مەڭگەرۋشىسى گ.يسمۋرزينا.
ومىردە ورىن الماي تۇرمايتىن كۇردەلى جاعدايلاردى شەشۋگە اتسالىسىپ-ارالاسۋدى دا دوستىق ءۇيى نازاردان تىس قالدىرعان جوق. مۇندا سوتقا دەيىنگى داۋ-جانجالدى شەشۋ ءجانە حالىققا قۇقىقتىق, الەۋمەتتىك كەڭەس بەرۋ ماقساتىندا, كاسىبي جانە كاسىبي ەمەس مەدياتورلار ءۇشىن مەدياتسيا ورتالىعىنا ارنالعان ارنايى بولمە قىزمەت اتقارادى. قىزمەتتەردىڭ جەدەلدىگىن ارتتىرۋ ءۇشىن «شۇعىل جەلى» تەلەفونى قوندىرىلدى. كەڭ ءارى كۇردەلى جوندەۋدەن وتكەن عيماراتتا 500 ادامعا ارنالعان كونتسەرتتىك زال, 50 ادامعا ارنالعان ءماجىلىس زالى جانە كىتاپحانا قىزمەت اتقارادى.
«دوستىق ءۇيى» ەلباسىنىڭ باستامالارىن جۇزەگە اسىرۋعا قولداۋ كورسەتۋ, ۇلتتار اراسىنداعى تاتۋلىقتى نىعايتۋ, جاستارعا ۇلاعاتتى ءتالىم-تاربيە بەرۋ, جەرگىلىكتى جەردىڭ تاريحى مەن مادەنيەتىن ناسيحاتتاۋ باعىتىنداعى جۇمىستاردى ءجۇيەلى جۇزەگە اسىرىپ كەلەدى. مەكەمەنىڭ ارنايى بەكىتىلگەن ءىس - شارالار جوسپارىنا سايكەس, كەڭ كولەمدى اكتسيالار مەن مادەني شارالار, دوڭگەلەك ۇستەل مەن سەمينار-ترەنينگتەر, تاقىرىپتى باسقوسۋلار ءجيى ۇيىمداستىرىلادى. ءار سەنبى سايىن وتەتىن «بەيبىتشىلىك جانە ءبىرلىك ساباعى» اتتى اشىق ساباعى اقتاۋ قالاسىنداعى مەكتەپتەر اراسىندا زور قىزىعۋشىلىققا يە بولدى. اشىق ساباق كەزىندە وقۋشىلار ءۇشىن «دوستىق ۇيىنە» ساياحات ۇيىمداستىرىلىپ, قازاقستان حالقى اسسامبلەياسى تۋرالى بەينەروليكتەر كورسەتىلىپ, وقۋشىلار اراسىندا ينتەللەكتۋالدى ويىندار وتكىزىلەدى. كورەي جانە تاتار ەتنومادەني بىرلەستىكتەرىنىڭ «جەكسەنبىلىك مەكتەبى» ءار اپتانىڭ سەنبى, جەكسەنبى كۇندەرى «دوستىق ءۇيىنىڭ» كەڭ ءدالىزىن قىزۋ تىرلىككە تولتىرادى.
«جەكسەنبىلىك مەكتەپ» ساباقتارىندا قاتىسۋشىلارعا مەملەكەتتىك ءتىل مەن انا تىلدەرىن وقىپ ۇيرەنۋ مۇمكىندىكتەرى قاراستىرىلىپ, قولونەر, ءان ايتۋ ءۇيىرمەلەرىنىڭ شارالارى جوسپارلانعان. سونداي-اق, جاستاردىڭ بوس ۋاقىتىن ءتيىمدى پايدالانۋى ماقساتىندا اكتەرلىق جانە شەشەندىك شەبەرلىكتى دامىتۋعا ارنالعان ۇيىرمە اشىلدى. قازىرگى تاڭدا اتالعان ۇيىرمەگە جوعارى سىنىپ وقۋشىلارى مەن ستۋدەنتتەر قاتىسادى. ءارتۇرلى ۇلتتىڭ وكىلدەرى رەپەرتۋارىنا وزدەرىنىڭ ء ان-بيلەرى ەنگىزىلگەن كونتسەرت قويىپ, ەلىمىزدەگى دوستىق پەن تاتۋلىقتى ناسيحاتتاپ, ء بىر شاڭىراق استىندا ءبىر ءۇيدىڭ بالاسىنداي ءومىر ءسۇرىپ كەلەدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى