جەراستى سۋىنىڭ دەڭگەيى بۇرىنعى قالىپتا, سوندىقتان دا جەرگىلىكتى اتقارۋشى ورگان ادامداردىڭ ءومىرى مەن دەنساۋلىعىن ساقتاۋ ماقساتىندا توتەنشە جاعداي جاريالاۋ تۋرالى شەشىم قابىلداعان.
«14 ساۋىردە اۋىلدىڭ شەتىندە, تومەنگى جەردە 9 ءۇي جانە 10 اۋلانى سۋ باسقان بولاتىن. سۋ باسۋ ورنىنان 22 ادام كوشىرىلدى. 4 كۇندە جاعداي وزگەرىسسىز. اۋماققا 1500 توننا ينەرتتى ماتەريال جەتكىزىلدى. توپىراقتى توگىپ بەكىتۋ جۇمىستارى جۇرگىزىلدى. جەرگىلىكتى تۇرعىندار اراسىندا نۇسقاۋلىقتار جۇرگىزىلىپ, جادىنامالار تاراتىلدى», - دەدى تجد وكىلدەرى.
اكىمدىكتە جەدەل شتاب قۇرىلىپ, جۇمىس ىستەپ جاتىر. وعان بالىق تج جانە اق قىزمەتتەرى كىرەدى. جاعدايدى اۋدان اكىمىنىڭ مىندەتىن اتقارۋشى رامەتۋللين باقىلاپ جاتىر. وبلىس وزەندەرى مەن ءالسىز ۋچاسكەلەردە باقىلاۋ جالعاسىپ, شقو تجد جەدەل شتابى تاۋلىك بويى جۇمىس ىستەپ جاتىر.