«الدىن الا بولجام بويىنشا, 21-24 ءساۋىر ارالىعىندا بەلسەندى تسيكلوندار مەن ولاردىڭ اتموسفەرالىق فرونتتارىنا بايلانىستى ەلىمىزدىڭ باسىم بولىگىندە جاۋىن-شاشىن بولادى. بقو, سقو, قوستاناي, قاراعاندى, اقتوبە, الماتى جانە جامبىل وبلىستارىندا قاتتى جاۋىن-شاشىن مەن اۋا تەمپەراتۋراسىنىڭ تومەندەۋى كۇتىلەدى», – دەدى «قازگيدرومەت» رمك ديرەكتورى مارينا شميدت
سينوپتيكتەردىڭ مالىمەتىنشە, قازاقستاننىڭ باتىسىندا تۇندە اۋا تەمپەراتۋراسى -3...+2 گرادۋسقا دەيىن, كۇندىز +10...+15 گرادۋسقا دەيىن, ەلىمىزدىڭ ورتالىعى مەن شىعىسىندا تۇنگى ۋاقىتتاعى اۋا تەمپەراتۋراسى -3...+2 گرادۋسقا دەيىن, ال كۇندىز +5...+13 گرادۋسقا دەيىن تومەندەيدى. ال وڭتۇستىك پەن وڭتۇستىك-شىعىستا تۇندە اۋا تەمپەراتۋراسى +3...+8 گرادۋس, كۇندىز +18...+23 گرادۋس بولادى.
«ال كەيىنىرەك كۇن قايتا جىلىنىپ, ەلىمىزدىڭ سولتۇستىگىندە اۋا تەمپەراتۋراسى +18...+23 گرادۋس, وڭتۇستىكتە +20...+28 گرادۋسقا دەيىن جىلىنادى. بىراق بۇل جىلۋ ۇزاققا سوزىلمايدى. تاعى ءبىر تسيكلوننىڭ كەلۋىنە بايلانىستى ايدىڭ سوڭىندا رەسپۋبليكانىڭ بارلىق اۋماعىندا قايتادان جاۋىن جاۋىپ, اۋا تەمپەراتۋراسى تومەندەيدى», – دەدى مارينا شميدت.