كەلىسىم – ءوزارا تۇسىنىستىك كەپىلى

قازاقستان حالقى اسسام­بلەياسىنىڭ XXV سەسسياسىنان كۇتەر جاقسىلىعىمىز مول. زاماننىڭ يۋ-قيۋى شى­عىپ, الەمدە ءتۇرلى توسىن وقيعا­لاردىڭ ورىن الىپ جات­قانىن كورىپ وتىرمىز. اراب ەل­دەرىنىڭ بىرقاتارى وتقا ورانىپ, ەلى باسىن ساۋعالار جەر تاپپاي بوسقىنعا اينالۋدا. تەڭىزدى كەسىپ ەۋروپاعا وتەمىز دەپ كەمە-قايىعىمەن اۋدارى­لىپ, سۋعا كەتىپ جاتقاندارى قانشاما. ءاسى­رەسە, جاس سابيلەردىڭ ءولىمى وزەكتى ورتەيدى.

تىنىشتىقتىڭ كەپىلىندەي سەزىنەتىن ەۋروپادان دا تىنىشتىق كەتتى. كەشەگى تمد ەلدەرىندە دە «ءا» دەسە, «ءما» دەپ مىل­تىق, شوقپار الا جۇگىرەتىندەر كوبەيىپ تۇر.

وسىنداي جاعدايدا قازاقستاندا تۇرىپ جاتقانىڭا اللاعا مىڭ قايتارا شۇكىرشىلىك ەتەسىڭ. ەلباسىمىز نۇرسۇلتان ءابىش ۇلى نازارباەۆتىڭ كورەگەن, سارابدال ساياساتىنىڭ ارقاسىندا ءبىز تاعدىردىڭ تالاي تەزىنەن امان-ساۋ وتتىك. بۇگىنگىدەي بەيبىت ءومىر سۇرەتىن دارەجەگە جەتتىك.

باسقا دا رەپرەسسياعا ۇشىراعان حالىق­تار سياقتى چەشەن-ينگۋش جۇرتى ءولىم مەن ءومىر اراسىندا قاتتى ارپالىستى. اش-جالاڭاش, ازاپ ۆاگونىندا اۋرۋ تاپقان حالىقتى قازاق حالقى ءوز تۋعانىنداي كۇ­تىپ الدى. وزدەرى قيىندىق كورسە دە قولىن­داعى از دامىمەن ءبولىستى. ءبىز مۇنى ەش­قاشان ۇمىتپايمىز.

بىلتىر وبلىستاعى «ايعاق» تەلەارناسى (باسشىسى وبلىستىق ءماسليحاتتىڭ دەپۋتاتى دۋلات ءابىش باستاپ) چەشەنستاندا بولدى. ءوزىم ماڭىزدى شارۋالاردان شىعا الماعانىممەن, تۇسىرگەن حابارلارىن باس الماي تۇگەل كوردىم. چەشەن اقساقالدارى قازاق حالقىنان كورگەن قايى­رىن ايتىپ, كوز جاستارىن ءسۇرتىپ قويادى.

ءبىر چەشەن اقساقالىنىڭ زايىبى قازاق قىزى ءساليما مۇحامەدجانقىزىنا بارىپ ارنايى سالەم بەرگەن ەكەن. ۇل-قىزدارىنىڭ ورتا­سىن­دا جايناڭ قاققان كەيۋانا قازاقشا سويلەي وتىرىپ, كەي­بىر جايت­تاردى چەشەنشەلەپ بالالارىنان سۇراپ قويادى. رازى بولدىم. ءتۇبى ءبىر مۇسىل­مانبىز, بىزدە جاتتىق جوق.

ۆاليد تاعاەۆ دەگەن اقىن اعامىز بار. كوزى كورمەسە دە, كوكىرەگى وياۋ. سول كىسى «قازاق­ستانعا بارعاندا اياقتارىڭدى اباي­لاپ باسىڭدار, ويتكەنى ول جەردە بابا­لارى­مىزدىڭ سۇيەگى جاتىر», دەيدى. راس ءسوز, دۇرىس پىكىر. چەشەننىڭ نەبىر ايتۋلى ازا­مات­تارى قازاقستاننان قاناتتاندى.

چەشەن-ينگۋش حالقى باسقا دا حالىقتار سياقتى قازاقستاندا ماڭگىلىك تىنىشتىق بولعانىن قالايدى. ەلباسىنىڭ ساياساتىن ءبىراۋىزدان قولدايدى. قازاقستاننىڭ الەم­دەگى وزىق دامىعان 30 ەلدىڭ قاتارىنا كىرۋىنە ءوز قايراتىمەن ەڭبەگىن سىڭىرەدى. ويتكەنى, قازاقستان – ءبىزدىڭ قازىرگى وتانىمىز.

حاسان باتسيەۆ,

وڭتۇستىك قازاقستان وبلىستىق چەشەن-ينگۋش ەتنومادەني بىرلەستىگى توراعاسىنىڭ ورىنباسارى, وبلىستىق اسسامبلەيا جانىنداعى  مەدياتسيا كابينەتىنىڭ مەڭگەرۋشىسى

وڭتۇستىك قازاقستان وبلىسى