مەملەكەت باسشىسى ءتىلدى ايتتى, ءدىلدى ايتتى, ءدىندى ايتتى. قىسقاسى, تاۋەلسىز ەلگە كەرەكتى ءدۇنيەنىڭ ءبارىن تۇگەندەپ, ەلدىڭ ەرتەڭگى ومىرىنە ناقتى جوسپار جاسادى. ۇلتتىق سانانىڭ قالىپتاسىپ, ودان ءارى دامۋىن جىك-جىككە ءبولىپ, جۇرتتىڭ ءجۇرەگىنە جىلى تيەتىن جولداردى كورسەتىپ بەردى.
سونىڭ ىشىندە, ماقالاداعى «تۋعان جەر» باعدارلاماسى ءبىر كۇننىڭ ەمەس, بىرنەشە جىلعا سوزىلعان كەمەڭگەر ويدىڭ, سۇڭعىلا سانانىڭ جەمىسى ەكەنى اقيقات. ولكەتانۋ مەن اباتتاندىرۋ جۇمىستارىن جانە تاريحي ەسكەرتكىشتەر مەن ءمادەني نىسانداردى قالپىنا كەلتىرۋ شارالارىن قازىردەن باستاپ قولعا الماساق, «اتتەگەن-ايلاپ» قالۋىمىز دا مۇمكىن. سول سەبەپتى, ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسىندا ايتىلعان مىندەتتەر مەن تاپسىرمالاردى ەرتەڭگە قالدىرماي, ءبۇگىننەن باستاپ جابىلا ورىنداۋعا ءتيىسپىز. بۇل – الەمدەگى ەڭ دامىعان 30 ەلدىڭ قاتارىنا كىرۋگە بىردەن-ءبىر كەپىل.
«ءپاتريوتيزمنىڭ ەڭ جاقسى ءۇلگىسى ورتا مەكتەپتە تۋعان جەردىڭ تاريحىن وقۋدان كورىنىس تاپسا يگى. تۋعان جەردىڭ ءاربىر سايى مەن قىرقاسى, تاۋى مەن وزەنى تاريحتان سىر شەرتەدى. ءاربىر جەر اتاۋىنىڭ ءتوركىنى تۋرالى تالاي-تالاي اڭىزدار مەن اڭگىمەلەر بار. ءاربىر ولكەنىڭ حالقىنا سۋىق-
تا پانا, ىستىقتا سايا بولعان, ەسىمدەرى ەل ەسىندە ساقتالعان ءبىرتۋار پەرزەنتتەرى بار. وسىنىڭ ءبارىن جاس ۇرپاق ءبىلىپ وسۋگە ءتيىس», – دەدى ەلباسى. ماقالادا ايتىلعان وسى جولداردان-اق نۇرسۇلتان نازارباەۆتىڭ تۋعان جەرگە دەگەن ىستىق ىقىلاسىن, زور ماحابباتىن اڭعارۋعا بولادى ەمەس پە؟!
ەندەشە, ەلىن سۇيگەن ەلباسىمىز باردا ءبىزدىڭ دە ايانىپ قالعانىمىز جاراماس. قولدايمىز. قۋاتتايمىز.
قازاقباي قاسىموۆ, «احىسكا» تۇرىك ەتنومادەني بىرلەستىگىنىڭ توراعاسى