پارتيا توراعاسىنىڭ ءبىرىنشى ورىنباسارى بارلىق جۇمىستاردىڭ نەگىزگى كورسەتكىشى ايتارلىقتاي جاقسارعانىنا توقتالدى. اتاپ ايتساق, ورتالىقتا دا, جەرگىلىكتى جەرلەردە دە «نۇر وتان» پارتياسىنىڭ بارلىق ءبولىمشەلەرىنىڭ قىزمەتى جاندانا ءتۇسكەن. بۇل رەتتە, اسىرەسە, كونستيتۋتسيالىق رەفورما, پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى حالىققا جولداۋى, «نۇرلى جول» ينفراقۇرىلىمدى دامىتۋ باعدارلاماسى, اگرووندىرىس كەشەنىن دامىتۋ مەملەكەتتىك باعدارلاماسى, ءناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى, سونداي-اق «نۇرلى جەر» تۇرعىن ءۇي قۇرىلىسى باعدارلاماسى سياقتى كۇن ءتارتىبىندەگى ماڭىزدى ماسەلەلەرگە ەرەكشە كوڭىل ءبولىنىپ كەلەدى.
مۇحتار قۇل-مۇحاممەد رەسۋرستاردى ايقىن ءبولۋ مەن مەنەدجمەنتتىڭ ءتيىمدى ۇلگىسى بار, سونداي-اق بارلىق دەڭگەيدەگى ءىستىڭ ناتيجەلىلىگىن قاتاڭ باقىلاۋدى قامتاماسىز ەتەتىن پارتيا قىزمەتىنىڭ قىسقا جانە ۇزاق مەرزىمگە ارنالعان جوسپارلاۋىنىڭ جاڭا جۇيەسىن ەنگىزۋدىڭ ارقاسىندا جۇمىس ساپاسىنىڭ ارتىپ, قامتىلۋ اۋقىمىنىڭ كەڭەيە تۇسكەنىن اتاپ ءوتتى.
كەلەشەكتەگى نەگىزگى باسىمدىقتارعا توقتالاتىن بولساق, مۇحتار قۇل-مۇحاممەد نۇروتاندىقتارعا وتكەن اپتادا قازاقستاندىق جەتەكشى باق-تاردا جارىق كورگەن جانە ساياسي, ەكونوميكالىق قايتا قۇرۋلارمەن قاتار, رۋحاني جاڭعىرۋدىڭ جالعاسى بولىپ تابىلاتىن پرەزيدەنتتىڭ «بولاشاققا باعدار: رۋحاني جاڭعىرۋ» اتتى جاڭا باعدارلامالىق ماقالاسىنا قاتىستى جالپىحالىقتىق تالقىلاۋلارعا بەلسەندى قاتىسىپ, ونى ءتيىمدى جۇزەگە اسىرۋدى تاپسىردى. پارتيا توراعاسىنىڭ ءبىرىنشى ورىنباسارى ەلباسىنىڭ جاڭا تاريحي باستامالارىن ءتۇسىندىرۋ ءجونىندەگى جۇمىستىڭ ەرەكشە ماڭىزدىلىعىنا توقتالىپ, پارتيانىڭ بۇل ءىستىڭ باسى-قاسىندا بولاتىنىنا سەنىم ءبىلدىردى.
سونىمەن قاتار, جيىن بارىسىندا كوكتەمگى سۋ تاسقىنىنان زارداپ شەككەن ايماقتارداعى احۋال تۋرالى دا ايتىلدى. مۇحتار قۇل-مۇحاممەد «نۇر وتاننىڭ» وڭىردەگى فيليالدارىنا زارداپ شەككەن تۇرعىندارعا بارىنشا كومەك كورسەتۋدى تاپسىردى.
«ءبىز – قاشاندا بىرلىگى بەكەم, ىنتىماعى جاراسقان, كىمگە دە بولسىن قامقورلىق قولىن سوزۋعا دايىن حالىقپىز. بۇل جولى دا سىزدەردى قيىندىققا تاپ بولعان وتانداستارىمىزدىڭ جاعدايىنا بەيجاي قارامايدى دەپ سەنەمىن. «نۇر وتان» پارتياسى بۇل قايىرىمدى, ساۋابى مول ىستە كوپكە ۇلگى بولۋى ءتيىس. سۋ تاسقىنىنان زارداپ شەككەندەرگە قولۇشىن سوزۋ – ءبىزدىڭ ازاماتتىق ابزال بورىشىمىز. سوندىقتان, جەرگىلىكتى جەرلەردە وسى باعىتتاعى جۇمىستى جەدەل ءارى جۇيەلى ۇيىمداستىرۋىمىز كەرەك», – دەدى «نۇر وتان» پارتياسى ءتوراعاسىنىڭ ءبىرىنشى ورىنباسارى.