ساۋدا ۇيىمىنىڭ كوميتەتىن باسقاردى

قازاقستاننىڭ شۆەيتساريا كونفەدەراتسياسىنداعى ەلشىسى, بىرىككەن ۇلتتار ۇيىمىنىڭ جە­نەۆا قالاسىنداعى بولىمشەسى مەن باسقا دا حالىقارالىق ۇي­ىمدار جانىنداعى قازاقستان رەس­پۋبليكاسىنىڭ تۇراقتى وكى­لى جا­نار ايتجانوۆا دسۇ-نىڭ ساۋدا ءجا­نە قورشاعان ورتانى قور­عاۋ كوميتەتىن باس­قاردى.

بۇل تاعايىنداۋ دسۇ-عا مۇشە مەملەكەتتەردىڭ قازاق­ستان­عا دەگەن جوعارى سەنى­مىن كورسەتەدى. بي­ىل­عى 11-14 جەلتوقساندا بۋەنوس-اي­رەست­ە (ارگەنتينا) ءوت­ەتىن دسۇ مي­نيسترلىك كون­فە­رەن­تسيا­سىن­ىڭ جە­مىستى قو­رى­تىن­دى­لا­رىنا جەتۋ جو­لىندا دسۇ ەل­­دەرى اراسىنداعى ءۇن­قاتىسۋدى بەل­سەندىلەندىرۋ جۇ­مى­سى بوي­ىن­­شا دسۇ ورگان­دا­رى­نى­ڭ جاڭا توراعالارىنا ۇلكەن جا­ۋاپ­كەر­شىلىك ارتىلىپ وتىر.

ج.ايتجانوۆا قازاقستان 2016 جىل­عى قاراشا ايىندا قوسىلعان دامۋشى ەلدەردىڭ ازيا ايماقتىق توبىنان دسۇ-نىڭ ساۋدا ءجا­نە قورشاعان ور­تانى قورعاۋ  كو­مي­تە­تى­نىڭ ءتو­رايىمى لا­ۋ­ا­زىمى­نا تا­عايىندالدى. دسۇ ساۋ­دا ءجا­نە قورشاعان ورتانى قورعاۋ  كوميتەتى 1995 جىلى قۇ­رىل­عان.

كوميتەتتى ءار جىلدارى ار­گەن­تينا, سينگاپۋر, ماجار­ستان, سلوۆاكيا, مىسىر, پولشا, ءتۇر­كيا, مالايزيا, فين­ليانديا, گونكونگ, كولۋمبيا, تايلاند جانە چيلي ەلشىلەرى باسقارعان.