بەيجىڭمەن بايلانىس ارتادى

جۇزدەسۋ بارىسىندا ەكى باۋ­ىرلاس قالانىڭ ىن­تى­ماق­­تاستىق پەرسپەكتيۆالارى, سونىڭ ىشىندە استانادا ەكسپو-2017 حالىقارالىق ما­مانداندىرىلعان كورمەسى كە­زىندە بەيجىڭ كۇندەرىن ءوت­كىزۋ جا­يى تالقىلاندى.

ءا.يسەكەشەۆ قىتايدىڭ قازاقستانداعى ءتۋريزمىنىڭ جى­لى شەڭبەرىندە ىسكەرلىك ءجا­نە مادەني بايلانىس­تار­دى كەڭەيتۋدە تۋريستىك سا­لانىڭ الەۋەتى زور ەكەنىن اتاپ كور­سەتتى جانە بەيجىڭ تۋ­ري­س­تە­رىن ەكسپو-2017 كور­مە­سى­نە شاقىردى.

قحر حالىقارالىق ساۋ­دانى قولداۋ جونىندەگى كو­مي­تەتىنىڭ اقپاراتىنا سايكەس, ەكسپو-2017 شەڭبەرىندە 300 000-عا جۋىق تۋريست قازاقستانعا ساپارلاپ كەلۋدى جوسپارلاپ وتىر. 2017 جىلعى 16-18 ماۋ­سىم­نان باستاپ بەيجىڭنىڭ استاناداعى كۇندەرىنەن باستاپ ءۇش اي ىشىندە قىتايدىڭ 22 پرو­ۆي­نتسياسىنىڭ دەلەگاتسيا­لارى ءوز ەكسپوزيتسيالارىن ۇسى­نىپ, ءوز­دەرىنىڭ ىسكەرلىك الەۋ­ەتى مەن مادەنيەتىن تانىس­تىر­ماق.

ءا.يسەكەشەۆ پەن تساي تسي, سونداي-اق  ەلوردادا قازاقستان-قىتاي جو­با­لا­رى­نىڭ ءبىرى بولىپ تابى­لا­تىن جەڭىل رەلستى كولىك (LRT) قۇرىلىسىن ىسكە اسىرۋ جايىن تالقىلادى. بۇدان باسقا, اكىم استانا مەن بەيجىڭ اراسىندا كولىك باسقارۋ سالاسىندا تۇراقتى ارىپتەستىكتى جانە تاجىريبە الماسۋدى جولعا قويۋعا ءمۇد­دەلىلىك تانىتتى.

سونداي-اق, قالالار باسشىلارى ەكونوميكا سالاسىندا ىنتىماقتاستىقتى ارتتىرۋ بويىنشا بىرقاتار باعىتتى بەلگىلەدى. سونىمەن قاتار, ءا.يسەكەشەۆ بەيجىڭنىڭ كولىك جۇيە­سىن باسقارۋ ورتالىعىندا بو­لىپ, قىتاي استاناسىندا ءىرى شارالاردى وتكىزۋ كەزىندە كولىك جۇمىسىن ۇيىمداستىرۋ جايىمەن تانىستى.

ساپارى شەڭبەرىندە اس­تانا اكىمى, سونداي-اق, كو­لىك, قۇرىلىس, يندۋستريالىق پار­كتەردى, «سمارت»-تەح­نو­لو­گيالاردى دامىتۋ, سپورت نى­ساندارىن باسقارۋ سالا­لا­­رىنداعى قىتايدىڭ جە­تە­ك­­شى كومپانيالارىنىڭ وكىلد­ەرىمەن كەزدەستى. بۇعان قو­سا, ءا.يسەكەشەۆ شىۇ حات­شى­لى­عىندا بولىپ, ۇي­ىم­نىڭ باس حاتشىسى راشيد الي­موۆ­پەن استانانىڭ اتالعان ءبىر­لەس­تىكپەن ىنتىماقتاستىق ءما­سە­لەلەرىن تالقىلادى.