القالى جيىندى ءجۇرگىزىپ وتىرعان ءوڭىر باسشىسى جانسەيىت تۇيمەباەۆ كۇن ءتارتىبىنە توقتالىپ, ەلباسىنىڭ ماقالاسى مەملەكەتتىك يدەولوگيانى انىقتايتىن باستى ساياسي قۇجات بولىپ تابىلاتىنىن ايتتى.
− پرەزيدەنتىمىز ءۇشىنشى جاڭعىرۋ ۇدەرىستەرىنىڭ ماقساتتارى مەن مىندەتتەرىن كورەگەندىكپەن ناقتىلاي وتىرىپ, ەندى رۋحاني جاڭعىرۋدىڭ جولداۋى ىسپەتتى دۇنيەسىن جاريالاپ, ساۋلەسى بار سانالاردى ءدۇر سىلكىندىرىپ وتىر. «وتكەن عاسىردىڭ باستى ءۇش يدەولوگياسى – كوممۋنيزم, فاشيزم جانە ليبەراليزم ءبىزدىڭ كوز الدىمىزدا كۇيرەدى», – دەيدى ەلباسىمىز ءوزىنىڭ ماقالاسىندا. سوندىقتان دا, كوشباسشى مەڭزەگەندەي, بۇگىندە راديكالدى يدەولوگيالار عاسىرىنىڭ كەلمەسكە كەتكەنىن ءبىرجولاتا مويىنداۋىمىز كەرەك, – دەدى.
«پرەزيدەنت ناقتى جوبالار رەتىندە بىرىنشىدەن, قازاق ءتىلىن بىرتىندەپ لاتىن الىپبيىنە كوشىرۋ, ەكىنشى, قوعامدىق جانە گۋمانيتارلىق عىلىمدار بويىنشا «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسىن جۇزەگە اسىرۋ, ۇشىنشىدەن, «تۋعان جەر» باعدارلاماسىن قولعا الىپ, ونىڭ اۋقىمىن «تۋعان ەلگە» ۇلاستىرۋ, تورتىنشىدەن, جالپىۇلتتىق قاسيەتتى ورىندار ۇعىمىن سانالارعا ءسىڭىرۋ ءۇشىن «قازاقستاننىڭ قاسيەتتى رۋحاني قۇندىلىقتارى» نەمەسە «قازاقستاننىڭ كيەلى جەرلەرىنىڭ گەوگرافياسى» جوباسىن جاساۋ, بەسىنشىدەن, ءمادەنيەتتىڭ باسەكەلەستىك قابىلەتىن قالىپتاستىرۋ ءۇشىن «جاھانداعى زاماناۋي قازاقستاندىق مادەنيەت» جوباسىن ىسكە اسىرۋ, التىنشىدان, زامانداستارىمىزدىڭ جەتىستىكتەرى تاريحىنا نازار اۋدارۋى ءۇشىن «قازاقستانداعى 100 جاڭا ەسىم» جوباسىن قولعا الۋ بەلگىلەنگەن.ماقالادا كورسەتىلگەن ماڭىزدى ءماسەلەلەردى جەتىك مەڭگەرۋ كەرەكتىگىن, ءبۇكىل وڭتۇستىك تۇرعىندارىنا تەرەڭ تۇسىندىرۋگە ءتيىسپىز», دەدى ج.تۇيمەباەۆ وبلىس اكتيۆىمەن بولعان كەزدەسۋدە.
جيىندا العاشقى بولىپ ءسوز العان حالىقارالىق «الاش» سىيلىعىنىڭ لاۋرەاتى, جازۋشى مارحابات بايعۇت باعدارلامالىق ماقالانى جولداۋدىڭ جاراسىمدى جالعاسى, رۋحاني سىڭارى دەپ ءسوزىن ساباقتادى. رۋحاني جاڭعىرۋ, ەرەكشە سىلكىنىستى ۇلت بولاشاعىنا الاڭدايتىن جاماعات كوپتەن بەرى كۇتىپ جۇرگەن. ەلباسىمىزدىڭ كەمەڭگەرلىگى جاڭا تۇرپاتتى جاڭعىرۋدى ناعىز ءپىسىپ جەتكەن مەزگىلىندە كوتەرۋى بولدى. وسىلاي دەگەن جازۋشى سونىمەن قاتار, وبلىستاعى رۋحاني سالادا اتقارىلىپ جاتقان جۇمىستارعا تالداۋ جاساي كەلىپ, ورداباسى تاۋىن ۇلىقتاۋ ماسەلەسى ۇمىت قالعانىنا الاڭداۋشىلىعىن ءبىلدىردى.
«نۇر وتان» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى ءالىمجان قۇرتاەۆ ەلباسىنىڭ «ەگەر جاڭعىرۋ ەلدىڭ ۇلتتىق – رۋحاني تامىرىنان ءنار الا الماسا, ول اداسۋعا باستايدى» دەگەن ءتۇيىندى ءسوزىن باسشىلىققا الىپ, جۇمىس جاساۋدىڭ جايىن ايتتى. ماقالادا كوتەرىلگەن ءماسەلەلەردى حالىققا جەتكىزۋدە «نۇر وتان» پارتياسىنىڭ مۇشەلەرى بەلسەندىلىك تانىتاتىندىعىن ءبىلدىردى. جيىندا ءسوز العان شىمكەنت قالاسىنداعى №65 مەكتەپ-گيمنازياسىنىڭ ديرەكتورى قاتيرا قادىرباەۆا مەن وبلىستىق «يۋجنىي كازاحستان» گازەتى باس رەداكتورىنىڭ ورىنباسارى كەڭەس يسمايلوۆ تا ءوز ءپىكىرلەرىن ورتاعا سالدى.
پرەزيدەنتىمىزدىڭ ماقالاسىندا ايتىلعان وي-پىكىرلەردى ءجۇزەگە اسىرۋدا جان-جاقتى جۇمىلۋدىڭ قاجەتتىگىن ايتقان ايماق باسشىسى وبلىس اكىمىنىڭ ورىنباسارى ۇلاسبەك ءسادىبەك ۇلى مەن وبلىستىق ىشكى ساياسات باسقارماسىنا ماقالانى ناسيحاتتاۋ بويىنشا اعىمداعى جىلدىڭ سوڭىنا دەيىن وبلىستىق جانە اۋدان, قالالىق دەڭگەيدە ءىس-شارالار ۇيىمداستىرىپ, جەلىلىك كەستە ءازىرلەۋدى تاپسىردى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى