قاوم ءباسپاسوز قىزمەتى حابارلاعانداي, م. ولجابەكوۆ بايقاۋ راسىمدەرىنەن ءساتتى ءوتىپ, ءوز مىندەتىن ورىنداۋعا كىرىستى.
مالىك ولجابەكوۆ 30 جاستا. ەكى جوعارى ءبىلىمى بار. 2009 جىلى قمەبي-ءدى اياقتاعان. ىسكەرلىك اكىمشىلىك جانە بۋحگالتەرلىك ەسەپ باكالاۆرى. 2014 جىلى ءال-فارابي اتىنداعى قازاق ۇلتتىق ۋنيۆەرسيتەتىن اياقتاعان. قۇقىقتانۋ ماگيسترى. قازاق, ورىس, اعىلشىن تىلدەرىن مەڭگەرگەن.
ەڭبەك جولىن 2010 جىلى «رەسپۋبليكالىق عارىش بايلانىسى ورتالىعى» اق-دا مەنەدجەر رەتىندە باستادى. قاوم-گە تاعايىندالعانعا دەيىن «رتسكس» اق كوممەرتسيالىق ديرەكتورى بولدى.
«قازىر "قازعارىش" سپۋتنيكتىك بايلانىس جانە حابار تاراتۋعا, جەردى قاشىقتىقتان زوندتاۋ جۇيەلەرىنىڭ ونىمدەرى مەن قىزمەتتەرىن كوممەرتسيالاۋعا باعىت الدى. جاس, پەرسپەكتيۆاسى بار باسشىعا وسى باعىتتى دامىتۋ تاپسىرىلدى», - دەدى ەركىن شايماعامبەتوۆ.