جۇزدەسۋ بارىسىندا ەكى قالانىڭ ىنتىماقتاستىق پەرسپەكتيۆالارى تالقىلاندى. سونداي-اق ەكسپو-2017 كورمەسى كەزىندە بەيجىڭ كۇندەرىن وتكىزۋ جايى تالقىلاندى.
استانا اكىمى قازاقستانداعى قىتاي ءتۋريزمىنىڭ جىلى شەڭبەرىندە ىسكەرلىك جانە مادەني بايلانىستاردى كەڭەيتۋدەگى تۋريستىك سالانىڭ الەۋەتى زور ەكەنىن اتاپ ءوتىپ, بەيجىڭ تۋريستەرىن ەكسپو-2017 كورمەسىنە شاقىردى.
قىتايدىڭ حالىقارالىق ساۋدانى قولداۋ جونىندەگى كوميتەتىنىڭ اقپارىنا سايكەس, ەكسپو-2017 شەڭبەرىندە 300 مىڭعا جۋىق تۋريست قازاقستانعا ساپارلاپ كەلۋدى جوسپارلاپ وتىر.
كورمە بارىسىندا قىتايدىڭ 22 پروۆينتسياسىنان كەلگەن دەلەگاتسيالار ءوز ەكسپوزيتسيالارىن ۇسىنىپ, وزدەرىنىڭ ىسكەرلىك الەۋەتى مەن مادەنيەتىن تانىستىرماق.
كەزدەسۋ بارىسىندا قازاقستان-قىتاي جوبالارىنىڭ ءبىرى بولىپ تابىلاتىن استاناداعى جەڭىل رەلستى كولىك (LRT) قۇرىلىسىنىڭ جوباسى تالقىلاندى.
ءا. يسەكەشەۆ استانا مەن بەيجىڭ اراسىندا كولىك باسقارۋ سالاسىندا تۇراقتى ارىپتەستىكتى جانە تاجىريبە الماسۋدى جولعا قويۋعا مۇددەلىلىك تانىتتى. سونداي-اق, قالا باسشىلارى ەكونوميكالىق سالادا ىنتىماقتاستىقتى كەڭەيتۋ بويىنشا بىرقاتار باعىتتاردى بەلگىلەدى.
سونىمەن قاتار, استانا اكىمى جۇمىس ساپارى بارسىندا كولىك, قۇرىلىس, يندۋستريالىق پاركتەردى, Smart-تەحنولوگيالاردى دامىتۋ, سپورتتىق نىسانداردى باسقارۋ سالالارىنداعى قىتايدىڭ الدىڭعى قاتارلى كومپانيالار وكىلدەرىمەن كەزدەستى. بۇعان قوسا, شىۇ حاتشىلىعىندا بولىپ, ۇيىمنىڭ باس حاتشىسى راشيد اليموۆپەن ەكىجاقتى ىنتىماقتاستىق ماسەلەلەرىن تالقىلادى.