2016 جىلى جوو مەن تكو (تەحنيكالىق جانە كاسىپتىك وقىتۋ) مەكەمەلەرىنىڭ تۇلەكتەر سانى 100,2 ادامدى قۇراسا, سونىڭ ىشىندە 87,7%-ى بىردەن جۇمىسقا تۇرىپ كەتكەن.
جوو بىتىرگەندەردىڭ 83%-ى, ياعني 29,5 مىڭى ءبىر جىلدا جۇمىس تاپتى, ال الدىڭعى جىلى بۇل كورسەتكىش 78,2% بولعان-دى.
تەحنيكالىق جانە كاسىپتىك وقىتۋ مەكەمەلەرى تۇلەكتەرىنىڭ جۇمىسقا ورنالاسۋ دەڭگەيى 2015 جىلعى 82% كورسەتكىشتەن 2016 جىلى 90%-عا دەيىن كۇرت كوتەرىلدى. ءبىلىم مەن عىلىمدى دامىتۋ مەملەكەتتىك باعدارلاماسىنىڭ جوسپارى بويىنشا, 2017 جىلدىڭ سوڭىنا دەيىن اتالعان كورسەتكىش جوو ءۇشىن 85%, تكو مەكەمەلەرى ءۇشىن 92%-عا ارتۋى ءتيىس.
قازاقستاندا قازىرگى تاڭدا جۇمىس بەرۋشىلەردى مامان دايىنداۋ جۇمىستارىنا ەتەنە ارالاستىرۋ ماقساتىندا دۋالدى وقىتۋ ەنگىزىلۋدە. بۇگىندە ەلدەگى 2433 كاسىپورىن 421 كوللەدجبەن بىرلەسىپ ۇدەمەلى يندۋستريالدى يننوۆاتسيالىق دامۋ ء(ۇيد) مەملەكەتتىك باعدارلاماسى اياسىندا 27,3 مىڭ ستۋدەنتتى وقىتۋدا. ايتا كەتەيىك, 2014 جىل شاراعا 280 كوللەدج قاتىسسا, 2015 جىلى بۇل كورسەتكىش 348 بولعان.
جوعارى ءبىلىم بەرۋ سالاسىنداعى باستى جاڭالىق – رەكتوردى سايلاۋ باستاماسى. 2016 جىلى جوو باقىلاۋ كەڭەسىنىڭ قاتىسۋشىلارى العاش رەت مەملەكەتتىك 5 جوو رەكتورلارىن سايلادى. قازىرگى تاڭدا 37 جوو-عا نازارباەۆ ۋنيۆەرسيتەتىنىڭ كورپوراتيۆتى باسقارۋ جۇيەسى ەنگىزىلۋدە. ال 2016 جىلدىڭ 1 قاڭتارىنان باستاپ مەملەكەتتىك 31 كوللەدج «كاسىپقور» حولدينگىنىڭ تاجىريبەسىن قابىلداۋدا. سونىمەن قاتار, تاعى 16 جوو كوممەرتسيالاۋ كەڭسەلەرى, تەحنوپاركتەر, بيزنەس-ينكۋباتورلار قۇردى. ءۇيد باعدارلاماسى شەڭبەرىندە جوو-لارعا 24 جاڭا ءبىلىم بەرۋ باعدارلامالارى, تكو مەكەمەلەرىنە 45 جاڭا باعدارلاما ەنگىزىلدى.
2016 جىلى ءۇيد باعدارلامالارىنىڭ بازالىق 11 جوو-دا يننوۆاتسيالىق جانە عىلىمي قىزمەت تابىسى 594,1 ملن تەڭگەگە جەتىپ, جالپى كىرىستىڭ 9 پايىزىن قۇرادى. تابىس كولەمى بويىنشا ءبىرىنشى ورىندا س.سەيفۋللين اتىنداعى قازاق اگروتەحنيكالىق ۋنيۆەرسيتەتى (421,5 ملن تەڭگە).
جوعارى ءبىلىم جۇيەسىندە 2016 جىلى QS WUR رەيتينگىنە قازاقستاندىق 8 جوو كىردى. سونىڭ ىشىندە «ۇزدىك 300»-دە 236 ورىنداعى ءال-فارابي اتىنداعى قازاق ۇلتتىق ۋنيۆەرسيتەتى مەن «ۇزدىك 400»-دە 345 ورىنداعى گۋميلەۆ اتىنداعى ەۋرازيا ۇلتتىق ۋنيۆەرسيتەتى بار.