جاسىراتىنى جوق, مۇنداي ۇلكەن ماسەلەدە ازداعان قورقىنىشتىڭ بولاتىنى دا راس. «كوز قورقاق, قول باتىر» دەگەن ءسوز بار. ءبىر كەزدەرى مەن دە سولاي ويلاعانمىن. وسىدان ءۇش-ءتورت جىل بۇرىن 1937 جىلى رەپرەسسيا قۇربانى بولعان اتام پەرۋاشتىڭ مۇراعاتتان تابىلعان قۇجاتتارىن وقىعانىم بار. ءبارى لاتىنشا جازىلعان. العاشقى كۇنى قيىنداۋ بولعانىمەن, ەكىنشى كۇنى اتامىزدىڭ اجەمىزگە جازعان تەبىرەنىسكە تولى حاتتارىن ەركىن وقىپ وتىردىم.
بىرەۋلەر بۇل باستاماعا كوپ قاراجات كەتەدى دەۋى مۇمكىن. ۇلت كەلەشەگى ءۇشىن ول كەدەرگى ەمەس, مەنىڭشە. ەگەر ءسىز قارجى كوپ كەتەدى دەپ قورا-قوپسىنى جاعالاپ, الىس جولعا شىقپاي قالساڭىز, كوپ نارسەنى جوعالتاسىز. بۇل دا سولاي! «ەر ازىعى جولدا» دەگەن بابالارىمىز.
ەلباسى ماقالاسىندا سونداي-اق, قازىرگى جاھاندانۋ زامانىندا ۇلتتىق بىرەگەيلىكتى ساقتاپ قالۋ, وركەنيەتتىڭ جاقسىسىن الىپ, جامانىنان جيرەنۋ جونىندە وتە قۇندى پىكىرلەر ايتىلىپتى. ەندىگى مىندەت – وسى ايتىلعانداردى ىسكە اسىرۋ جولىندا ايانباي ەڭبەك ەتۋ. ەڭ باستىسى – باعىت-باعدارىمىز انىق, جولىمىز جارقىن.
ازات پەرۋاشەۆ,
«اق جول» پارتياسىنىڭ توراعاسى