EXPO-2017 حالىقارالىق كورمەسىنە دايىندىق بارىسىندا استانا قالاسىنداعى جول جوندەۋ جۇمىستارىنا 5,5 ميلليارد تەڭگە ءبولىندى. بۇل تۋرالى «استانا قالاسىنىڭ اۆتوموبيل جولدارى باسقارماسى» مم باسشىسى اسحات قاراعويشين ايتتى.
«استانا قالاسىنداعى جول جوندەۋ جۇمىستارىنا العاشقى جارتىجىلدىققا 5 ميلليارد تەڭگە ءبولىندى. بۇل قاراجات زاقىم كەلگەن اسفالتتىڭ ۇستىڭگى جابىنىن اۋىستىرۋعا, شۇڭقىرلاردى جوندەۋ سەكىلدى اعىمداعى جۇمىستاردى جۇرگىزۋگە جۇمسالادى. بۇل العاشقى جارتىجىلدىقتا جاسالاتىن جۇمىستار. ەكىنشى جارتىجىلدىقتان باستاپ جىل سوڭىنا دەيىن تاعى 50 كوشەگە جوندەۋ جۇمىستارىن جۇرگىزۋ جوسپارلانعان», - دەپ مالىمدەدى باسقارما باسشىسى.