ونىڭ ايتۋىنشا, وبلىستامەملەكەتتىك «نۇرلى جول» باعدارلاماسى ەكى باعىت بويىنشا جۇزەگە اسىرىلۋدا. ءبىرىنشىسى - جەرگىلىكتى اكىمدىك ارقىلى سالىناتىن ۇيلەر بولسا, ەكىنشىسى - «بايتەرەك دەۆەلوپمەنت» اكتسيونەرلىك قوعامى ارقىلى سالىناتىن تۇرعىن ۇيلەر.
«ماسەلەن, وسى جىلى اكىمدىك ارقىلى جالپى اۋماعى 31,6 مىڭ شارشى مەتر بولاتىن 558 پاتەرلىك كوپقاباتتى 11 ء ۇي تاپسىرىلادى. ال «بايتەرەك دەۆەلوپمەنت» اكتسيونەرلىك قوعامى بويىنشا 180 مىڭنان استام شارشى مەتر بولاتىن باسپانا تاپسىرىلماق. ول 3086 پاتەرلىك 55 ءۇي. وسىلايشا, 2018 جىلعا دەيىن «نۇرلى جول» باعدارلاماسى بويىنشا بانك جەلىسىمەن وبلىستا 226,2 مىڭنان استام شارشى مەتر تۇرعىن ءۇي پايدالانۋعا بەرىلمەك»,-دەدى ق.ماليكوۆ.
سونىمەن قاتار, ول بيىلدان باستاپ مەملەكەتتىڭ بارلىق تۇرعىن ءۇي باستامالارى «نۇرلى جەر» باعدارلاماسى اياسىندا جۇزە اساتىتىن اتاپ ءوتتى. اتالعان باعدارلاما 5 نەگىزگى باعىتتار بويىنشا جۇزەگە اسىرلادى. سونىڭ ىشىندە تۇرعىن ءۇي قۇرىلىس جيناق بانكى كرەديتتىك باسپانا باعىتىن جۇزەگە اسىرادى, جانە جەكە تۇرعىن ءۇي قۇرىلىسىن نەسيەلەندىرەتىنىن جەتكىزدى.
بريفينگتە ءمالىم بولعانداي, وسى جىلدىڭ 3 ساۋىرىنەن باستاپ ديرەكتورلار كەڭەسىنىڭ شەشىمىمەن تۇرعىن ءۇي قۇرىلىس جيناقتارى شارتىن جاساعانى ءۇشىن جانە شارتتىق سومانى ارتتىرۋ ءۇشىن الىناتىن كوميسسيا كولەمى 0 تەڭگە بولىپ بەكىتىلدى.
ەستەرىڭىزگە سالا كەتەيىك, بۇرىن اتالمىش قىزمەتتەر ءۇشىن الىناتىن كوميسسيا كولەمى - شارتتىق سومانىڭ جانە دەپوزيتتىڭ ارتتىرۋ سوماسىنىڭ 0,55%-ىن قۇراعان ەدى.