رەسەيدىڭ توتەنشە جاعدايلار مينيسترلىگى باس باسقارماسىنىڭ سايتىندا سانكت-پەتەربۋرگ مەتروسىندا بولعان جارىلىستان زارداپ شەككەندەردىڭ ءتىزىمى جاريالاندى.
زارداپ شەككەندەر جايلى مالىمەت 4 ساۋىردە ماسكەۋ ۋاقىتى بويىنشا ساعات 06.00-دە جاريالاندى. سايت مالىمەت كەلگەن سايىن جاڭارتىلىپ تۇرادى.
ايتا كەتەيىك, قازىرگى ۋاقىتتا جاراقات العاندار مەن قالا اۋرۋحانالارىندا جاتقاندارىڭ سانى - 51.
مەترودا بولعان توتەنشە جاعدايدان زارداپ شەككەن جانە قالاداعى ەمدەۋ مەكەمەلەرىندە جاتقان ادامدار مىنا اۋرۋحاناعا جەتكىزىلدى: ماري اۋرۋحاناسى, ي.ي.دجانەليدزە اتىنداعى عىلىمي-زەرتتەۋ ينستيتۋتى, س.م. كيروۆ اتىنداعى بۇكىلالەمدىك مەديتسينالىق اسسوتسياتسيا, قالالىق № 26 اۋرۋحانا, ل.گ. سوكولوۆ اتىنداعى №122 كلينيكالىق اۋرۋحانا, ەليزاۆەتينسك اۋرۋحاناسى, ك.ا. راۋحفۋس اتىنداعى قالالىق بالالار اۋرۋحاناسى.