كووپەراتيۆ تۇيە سۇتىنەن بولەك, سيىر ءسۇتىن دە قابىلدايدى. بۇگىندە ءتورت ءتۇرلى اعارعان - شۇبات, سيىر ءسۇتى, ايران, قايماق ازىرلەپ, جەرگىلىكتى دۇكەندەرگە جونەلتىپ جۇرگەن سەرىكتەستىك تاياۋدا سۇتتەن يوگۋرت پەن كىلەگەي ازىرلەپ, ساۋدالاۋدى قولعا الماقشى. بۇل تۋرالى كۇنگەيدەگى باق وكىلدەرىنىڭ سوزاق اۋدانىنا جاساعان پرەسس-تۋرى بارىسىندا بەلگىلى بولدى.
«العاشقى كەزدە 500 ليترگە لايىقتالعان جۇمىس ىستەدىك. قازىرگى شۇبات وڭدەۋ مۇمكىندىگى تاۋلىگىنە 1 تونناعا دەيىن جەتىپ وتىر. وسىلايشا, ءىسىمىزدى جولعا قويىپ كەلەمىز. تاياۋدا, اۋدانداعى ۋران ءوندىرۋ كاسىپورىندارىمەن ونداعى ءاربىر جۇمىسشى باسىنا 0,5 ليتردەن شۇبات جەتكىزىپ وتىرۋعا كەلىسىمگە كەلدىك», - دەيدى «ارۋانا» وندىرىستىك كوورپەراتيۆىنىڭ توراعاسى جانبولات ءاديشوۆ.
جالپى, تۇيە ءسۇتىن وڭدەۋ تسەحى ورنالاساتىن عيماراتتى دايىنداپ, جوندەۋ جۇمىستارى مەن ءسۇتتى وڭدەيتىن قۇرىلعىنى الۋ ءۇشىن كووپەراتيۆ جەتەكشىلىگى «ىرىس» مقۇ» جشس-نەن 12 ملن. تەڭگە نەسيە العان. بۇگىندە جۇمىسىن جانداندىرىپ جاتقان ۇجىمشار الداعى ۋاقىتتا تۇيە ءسۇتىن وڭدەۋ ۇلەسىن ارتتىرۋ ارقىلى كۇنىنە ونىڭ تاۋلىكتىك قۋاتىلىعىن 5 تونناعا دەيىن جەتكىزىپ, ءىستى ارمەن قاراي دوڭگەلەتۋدى جوسپارلاپ قويعان.