قازىر مۇنداعى قۇرىلىس جۇمىستارىنا جالپى سانى 38 تەحنيكا جۇمىلدىرىلىپ, كۇنىنە 300 مەتر كوللەكتور تازالانۋدا.
ەستەرىڭىزگە سالا كەتسەك, ايماق باسشىسى جانسەيىت تۇيمەباەۆ ماقتاارال اۋدانىنا جاساعان ساپارىندا يەسىز قالعان سۋ ارنالارىن مەملەكەت مەنشىگىنە ياعني, «قازسۋشار» مەكەمەسىنىڭ قۇزىرىنا بەرۋدى, ونى تازالاۋ, رەتتەۋ جۇمىستارىن جۇرگىزۋدى تاپسىرعان بولاتىن. وسىعان وراي, بۇگىندە وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسى ماقتاارال اۋدانىندا جالپى ۇزىندىعى 103 شاقىرىم بولاتىن 51 كوللەكتوردى تازالاۋ جۇمىستارىن باستادى. تازالاۋ جۇمىستارى الداعى ءبىر ايدىڭ ىشىندە اياقتالۋى ءتيىس.
جالپى, ماقتاارال اۋدانىندا كولەكتورلىق جۇيەلەردىڭ ۇزىندىعى 700 شاقىرىمدى قۇرايدى. سونىڭ 400 شاقىرىمى 15-20 جىلدان بەرى تازالانباي, قامىس باسىپ كەتكەن بولاتىن. اعىن سۋ جىبەرۋ قابىلەتتەلىگىنەن ايىرىلعان كوللەكتورلار تولىعىمەن تازالانسا, وڭىردە اعىن سۋ تاپشىلىعى ەداۋىر ازايادى, دەيدى ماماندار. سونداي-اق, كانالداردى تازارتۋمەن قاتار, وندا اعاتىن سۋدى تازا سۋمەن ارالاستىرىپ, ناسوستار ارقىلى قايتا پايدالانۋ قاراستىرىلۋدا. ول ءۇشىن 30 ناسوس ساتىپ الىنعان.