ول ءۇشىن قالانىڭ باتىس ايماعىندا ارنايى بەلگىلەنگەن جەر تەلىمدەرىنە قاجەتتى ينجەنەرلىك-كوممۋنيكاتسيالىق ينفراقۇرىلىم تارتۋدى اياقتاۋ ءۇشىن ينفراقۇرىلىمدى دامىتۋ باعدارلاماسى اياسىندا قازىنادان 476,7 ميلليون تەڭگە ءبولىنىپ وتىر. اتالعان قاراجاتقا ۇزىندىعى 14,2 شاقىرىم كارىز جەلىلەرىن, 29,4 شاقىرىم ەلەكتر جەلىلەرىن سالۋ جوسپارلانۋدا.
قۇرىلىس جۇمىستارىنىڭ باس مەردىگەرى – «قازبايلىق استانا» جاۋاپكەرشىلىگى شەكتەۋلى سەرىكتەستىگى. بۇگىنگى تاڭدا 18,5 شاقىرىم سۋ قۇبىرى جانە 10 كۆت ەلەكتر جەلىلەرى قۇرىلىسى تولىعىمەن اياقتالدى. قازىرگى ۋاقىتتا جۇمىس كەستەسى بەكىتىلىپ, 0,4 كۆت جەلىلەرىنىڭ تىرەۋلەرىن ورناتۋ بويىنشا جۇمىستار اتقارىلىپ جاتىر.
بۇگىنگە دەيىن جەزقازعان قالاسى بويىنشا جەكە تۇرعىن ءۇي قۇرىلىسىنا جەر تەلىمدەرىن الۋعا 2415 ازامات ءوتىنىش بەرگەن. وسى ورايدا, بارلىعى 144 پاتەرلى ءتورت كوپ قاباتتى تۇرعىن ءۇيدىڭ قۇرىلىسىنا قاجەت جوبالىق-سمەتالىق قۇجات دايىنداۋعا 47,7 ميلليون تەڭگە ءبولىنىپ, مەردىگەر ىسكە كىرىسكەنىن ايتا كەتكەن ءجون. اتالعان جوبا جۇزەگە اسقان جاعدايدا, مەملەكەتتىك تۇرعىن ءۇي قورىنان باسپانا الۋ كەزەگىندە تۇرعان 2002 ازاماتتىڭ ءتىزىمى 1878 ادامعا قىسقارماق.
دارحان مۇقان
قاراعاندى وبلىسى,
جەزقازعان قالاسى