اتالعان تۋرنيردە اقمولا وبلىستىق شوگەن فەدەراتسياسى, سونداي-اق «اۋليەاتا» شوگەن كلۋبى, Astana Polo Club جانە Almaty Polo Club كوماندالارى ءوزارا باق سىناپ مىقتىلاردى انىقتادى. ءار كوماندا اينالمالى جۇيە بويىنشا ءبىر-بىرىمەن 3 چاكەردەن ويناپ شىقتى. Almaty Polo Club 8 : 5 ەسەبىمەن «اۋليەتا» شوگەن كلۋبىنىڭ سپورتشىلارىن وزىپ ءوتتى. سونداي-اق, Astana Polo Club اقمولا وبلىستىق شوگەن فەدەراتسياسىنىڭ كومانداسىمەن سايىسقا ءتۇسىپ, 11 : 3 ەسەبىمەن ايقىن باسىم ءتۇستى.
جارىستىڭ ەكىنشى كۇنى Almaty Polo Club كومانداسى اقمولا وبلىستىق شوگەن فەدەراتسياسى كومانداسىن 10 : 2 ەسەبىمەن جەڭىپ, كوش باسىنان كورىنۋىن جالعاستىردى. ال Astana Polo Club13 : 14 ەسەبىمەن «اۋليەتا» شوگەن كلۋبىنا جول بەرىپ قويدى. جارىستىڭ قورىتىندى كۇنى قىزۋ تارتىسقا تولى بولدى. ناعىز مىقتىلاردى انىقتاۋ وڭايعا سوققان جوق. «اۋليەاتا» شوگەن كلۋبى اقمولا وبلىستىق شوگەن فەدەراتسياسىنىڭ كومانداسىن 8 : 3 ەسەبىمەن ارتتا قالدىرسا, قىزۋ تارتىستا Astana Polo Club قارسىلاسى Almaty Polo Club كومانداسىن 6:3 ەسەبىمەن قاپى قالدىردا.
وسىلايشا, قازاقستان شوگەن فەدەراتسياسى ۇيىمداستىرعان باسەكەدە Astana Polo Club 1 ورىننان كورىنىپ 500 مىڭ تەڭگە, Almaty Polo Club 2 ورىندى ەنشىلەپ 300 مىڭ تەڭگە, «اۋليەاتا» شوگەن كلۋبى 3 ورىندى قاناعات تۇتىپ 200مىڭ تەڭگە قارجىلاي سىيلىققا يە بولدى. «سامۇرىق-قازىنا» ۇلتتىق ءال-اۋقات قورى اق مەن «Samruk-Kazyna Trast» الەۋمەتتىك جوبالاردى دامىتۋ قورىنىڭ سەرىكتەستىگىمەن وتكەن سايىستىڭ جالپى جۇلدە قورى 1 ميلليون تەڭگەنى قۇرادى. الەمگە كەڭىنەن تانىمال وسىنداي قىزىقتى سپورت ءتۇرىن ەلىمىزدە ودان ءارى دامىتۋ ماقساتىندا, الداعى ۋاقىتتا ءالى تالاي جارىستار جالاۋىن كوتەرەدى – دەيدى شارانى ۇيىمداستىرۋشىلار.