ەلورداداعى اكادەميالىق ۇلتتىق كىتاپحانادا الەۋمەتتانۋشىلار دوڭگەلەك ۇستەل ۇيىمداستىرىپ, وسى سالا بويىنشا ءوز وي-بايلامدارىن ورتاعا سالدى. وعان ۇيىتقى بولعان ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ عالىمدارى ەدى. پروفەسسور ت.قالدىباەۆا ەلىمىزدىڭ الەۋمەتتانۋ سالاسى بويىنشا ءتاۋەلسىزدىك جىلدارىندا اتقارعان جۇمىستارعا توقتالسا, ا.روديونوۆ كاسىبي ءوسۋ ماسەلەسىن قوزعادى. جالپى, الەۋمەتتانۋ ماماندىعى تۋرالى ءالى دە ۇعىم شەكتەۋلى ەكەنىن, مامان دايىنداۋ ماسەلەسى كۇن ءتارتىبىندە تۇرعانىن العا تارتىپ, قازىر جۇرت ءالەۋمەتتانۋشى تەك انكەتالىق ساۋالداما جۇرگىزۋشى دەپ بىلەتىنىن, شىندىعىنا كەلگەندە, بىلىكتى ءالەۋمەتتانۋشى – ول عالىم, قوعامدى زەرتتەي وتىرىپ, ساياسات جاساۋشىلاردى دۇرىس جولعا باعىتتاۋشى, شىنايى زەرتتەۋلەرى ارقىلى قوعامدىق سانانى ءتاربيەلەۋشى دەگەنگە ناقتى دالەل-ءدايەكتەر كەلتىردى.
«ەگەمەن-اقپارات».