شارانى وبلىس اكىمدىگىنىڭ جاستار ساياساتى ماسەلەلەرى باسقارماسى ۇيىمداستىرىپ, جاستاردى جولداۋدا كورسەتىلگەن نەگىزگى ماقساتتار مەن مىندەتتەردى جۇزەگە اسىرۋعا اتسالىسۋعا شاقىردى.
سونىمەن قاتار, اتالعان جيىندا تاراز قالاسىنداعى جاستاردىڭ ءتۇرلى ساناتتارىنا ارنالعان «كەڭەس بەرۋ الاڭى» دا قۇرىلدى. بۇگىندە جۇمىسسىز, مۇمكىندىگى شەكتەۋلى, سونداي-اق جەكە كاسىبىن اشۋعا نەمەسە كاسىبىن دامىتۋعا نيەتتى جاستاردىڭ دا ءتۇرلى باعىتتاعى مەملەكەتتىك قولداۋ تەتىكتەرىن پايدالانۋعا مۇمكىندىگى بار. وبلىستا الەۋمەتتىك جانە قۇقىقتىق كومەكتى قاجەت ەتەتىن جاستار دا جەتەرلىك. شارادا وسى ماسەلەلەرگە باسىمدىق بەرىلىپ, بىرقاتار ويلار دا ايتىلدى.
ال جوعارى جانە ورتا ارناۋلى وقۋ ورنىن ءبىتىرۋشى ستۋدەنتتەردىڭ الدىندا دا بولاشاقتا جۇمىسقا ورنالاسۋ ماسەلەسى تۇرادى. جيىندا تاراز قالاسى اكىمىنىڭ ورىنباسارى كەنجەبەك ولجاباي مەن باسقارما باسشىسى ءمادي ماتەن جاستاردىڭ ءتۇرلى ماسەلەلەرىنە توقتالىپ, ناقتى جوسپارلاردى ۇسىندى. مۇنداعى نەگىزگى باسىمدىق – جاستاردى جۇمىسپەن قامتۋعا بەرىلىپ وتىر. سونداي-اق, جاستاردىڭ كاسىپكەرلىك الەۋەتىن ارتتىرۋ دا, ولاردىڭ ءوزىن ءوزى جۇمىسپەن قامتۋعا باۋلۋ دا كۇن تارتىبىندەگى ماسەلە. ال ءمادي مەيىربەك ۇلىنىڭ ايتۋىنشا, بولاشاقتا ءبىراز جاس «كەڭەس بەرۋ الاڭى» ارقىلى جۇمىسقا ورنالاسىپ, كاسىبىن اشىپ, قوعامعا قىزمەت ەتەتىن بولادى. سونداي-اق, «كەڭەس بەرۋ الاڭىنىڭ» جۇمىسىنا وبلىس اكىمدىگىنىڭ باسقارمالارى مەن مەملەكەتتىك ورگاندار قىزمەتكەرلەرى, قارجى سەكتورلارىنىڭ ماماندارى دا قاتىستى.
ايتا كەتەيىك, اتالعان باسقارمانىڭ ۇيىمداستىرۋىمەن ۇستىمىزدەگى جىلدىڭ اقپان-ناۋرىز ايلارىندا «ەلباسى جولداۋى – جاڭعىرۋدىڭ جاڭا كەزەڭى» اتتى وبلىستىق اۆتوكەرۋەن وبلىستىڭ بارلىق اۋداندارىندا بولىپ, كەڭەس بەرۋ الاڭدارىن ۇيىمداستىرعان بولاتىن. اتالعان شاراعا 14-29 جاس ارالىعىنداعى ءاربىر اۋىل, ەلدى مەكەندەردەگى ءتۇرلى ساناتتاعى جاستار قاتىسقان. مۇندا جالپى سانى 3 مىڭعا جۋىق جاسقا كەڭەس بەرىلگەن ەدى.
بۇگىندە ەلىمىزدە جاستارعا ارنالعان «ديپلوممەن – اۋىلعا!», «سەرپىن», «بيزنەستىڭ جول كارتاسى», «جاستار پراكتيكاسى» سياقتى ءىرى باعدارلامالار بار. بۇل ءوز كەزەگىندە جاستاردىڭ اۋىلشارۋاشىلىق جانە كاسىپكەرلىك باعىتتارىندا دا جۇمىس ىستەۋىنە جاعداي جاسايدى. ال وبلىس ورتالىعىندا وتكەن جيىننىڭ قورىتىندىسى بويىنشا, 1000-عا جۋىق جاسقا كەڭەس بەرىلدى. كەلەشەكتە دە جاستار «كەڭەس بەرۋ الاڭى» ارقىلى ءوز ماسەلەلەرىن شەشە الاتىن بولادى.
حاميت ەسامان,
«ەگەمەن قازاقستان»
جامبىل وبلىسى