«باقىلاۋدىڭ وسى ءتۇرىنىڭ تەتىكتەرى «رەيدتىك» تەكسەرىستەردى تۇتىنۋشىلاردىڭ وزىنە بەرۋگە جول اشادى. ەندى ءونىمدى ساتىپ الۋشى ساتارمانداردىڭ اراسىندا ورىندى ىرىكتەۋدى وزدەرى جۇرگىزەدى», — دەدى سۇلتانوۆ.
بۇعان قوسا, مينيسترلiك ە-اۋديت باقىلاۋ جۇيەسiن ەنگiزبەك. جۇيەنi iرi سالىق تولەۋشiلەر ءۇشiن 2019 جىلدىڭ 1 قاڭتارىندا ەنگiزۋ جوسپارلانعان.
«قازىرگى ۋاقىتتا مينيسترلىك مەملەكەتتىك قارجىنى – كىرىستەر, مەملەكەتتىك ساتىپ الۋ جانە جەكەشەلەندىرۋ باعىتتارى بويىنشا جاڭعىرتۋ بارىسىندا اۋقىمدى جۇمىس جۇرگىزۋدە. باعىتتاردى ىسكە اسىرۋ جالپى ىشكى ءونىمنىڭ سالىق سىيىمدىلىعىن كەڭەيتۋ, بيزنەستى جۇرگىزۋ شارتتارىن جاقسارتۋ, سىرتقى ساۋدا اينالىمىن جىلدامداتۋ, ەكونوميكاعا مەملەكەتتىڭ قاتىسۋىن قىسقارتۋ, سونداي-اق مەملەكەتتىك ساتىپ الۋ جۇيەسىن جەتىلدىرۋ ارقىلى جۇزەگە اسىرىلاتىن بولادى. بۇدان باسقا, مەملەكەتتىك بيۋدجەت شىعىستارىنىڭ ءبىر بولىگىن, مەملەكەتتىك-جەكەشە ارىپتەستىك قاعيداتتارىن قولدانا وتىرىپ, باسەكەلەس ورتاعا بەرۋ مۇمكىندىگى قارالۋدا. وسى شارالاردىڭ ارقاسىندا ءبىز بەلگىلى ءبىر مەرزىم ىشىندە بيۋدجەتكە ايتارلىقتاي «بوساتىلعان» شىعىستار الۋدى جوسپارلاپ وتىرمىز. ولار ءبىلىم مەن عىلىم جانە عىلىمدى قاجەت ەتەتىن سالالاردى دامىتۋ ارقىلى ادامي كاپيتالدى دامىتۋعا قايتا باعىتتالاتىن بولادى», — دەدi قارجى مينيسترi.