وسىلايشا, 2016 جىلى شاعىن كاسىپورىنداردىڭ تابىسى 43 پايىزعا ارتقان.
شاعىن بيزنەس داعدارىسقا قارسى تۇراقتىلىق تانىتىپ وتىر. ەلدەگى ەكونوميكالىق ءوسىمنىڭ تومەندەۋىنە قاراماستان, شاعىن كاسىپكەرلەر وزدەرىنىڭ تابىستارىن ەسەلەپ ارتتىرا ءبىلدى.
ەستەرىڭىزگە سالا كەتەيىك, 2015 جىلى شاعىن كاسىپكەرلەر تابىس تاپپاق تۇگىلى, 174 ملرد تەڭگە شاعىندالسا, بىلتىر 2 ترلن تەڭگە تابىس تاپقان.
تابىستىڭ كوبەيۋى نارىققا جاڭا بيزنەسمەندەردىڭ كەلۋىمەن مۇمكىن بولىپ وتىر, دەپ جازادى ساراپتاما قىزمەتى. وتكەن جىلى شاعىن كاسىپكەرلەر سانى رەسپۋبليكا بويىنشا 8 پايىزعا كوبەيگەن.
جالپى, 2016 جىلى شاعىن كاسىپكەرلەردىڭ كىرىسى 22 ترلن تەڭگە بولعان. بۇل 2015 جىلمەن سالىستىرعاندا 42,6 پايىزعا ارتىق. سول 22 ترلن تەڭگەنىڭ 20 ترلن-ى ءونىم شىعارۋ, قىزمەت اقىسىن تولەۋ مەن وزگە دە شىعىندارعا جۇمسالعان.