مۇناي ەكسپورتتاۋشى ەلدەر ۇيىمى (وپەك) قارا التىن ءوندىرىسىن ازايتۋ تۋرالى كەلىسىمىڭ مەرزىمىن 2017 جىلدىڭ ەكىنشى جارتىسىنان باستاپ جىل سوڭىنا دەيىن سوزۋعا نيەتتەنىپ وتىر. بۇل تۋرالى ساد ارابياسى ەنەرگەتيكا ءمينيسترى حالەد ءال-فالەح مالىمدەدى, دەپ جازادى The Wall Street Journal.
ونىڭ ايتۋىنشا, ۇيىم قازىر كەلىسىمنىڭ مەرزىمىن سوزۋعا ساقاداي ساي دايىن وتىر. «وپەك-تەگى ارىپتەستەرىممەن سويلەسكەندە, ولاردىڭ بارلىعى مۇناي ءوندىرىسىن ازايتۋ تۋرالى كەلىسىمدى جىلدىڭ ەكىنشى جارتىسىندا دا بۇزباۋ كەرەكتىگىن ايتتى», — دەدى ءال-فالەح.
ايتا كەتەيىك, بۇگىن استانا ۋاقىتىمەن 17:45-تە برەنت ماركالى مۇناي باعاسى 52,10 دوللارعا ساۋدالاندى.