اسكەري قىزمەتكەر ماقسات يمانبەكوۆ پەن 27 جاستاعى جارى ايدا جەبەگەنوۆانىڭ جانۇياسىندا وسىنداي قۋانىشتى جاعداي بولىپ وتىر. جاڭا تۋعان ۇشەم ولاردىڭ وتباسىنداعى ءبىرىنشى بالالارى, سونىمەن قاتار, وڭىردە بيىل ءبىرىنشى رەت ۇشەم تۋعان. بالالار مەرزىمىنەن بۇرىن دۇنيە ەسىگىن اشقان, (جۇكتىلىكتىڭ 30-شى اپتاسىندا). ولاردىڭ سالماعى 1400, 1490 جانە 1495 گرامم.
وبلىستىق پەريناتالدىق ورتالىقتىڭ دارىگەرلەرى تاۋەكەلگە بارۋدان باس تارتىپ, ايەلگە ىشتەن جارىپ بالانى الۋ ادىسىمەن بوساندىرعان, جالپى بارلىق شارا ءساتتى جاسالعان. جاڭا تۋىلعان بالالارعا دارحان, شەرحان جانە ەرحان دەگەن ەسىمدەر بەرىلگەن. قازىرگى ۋاقىتتا بالالاردىڭ جاعدايى جاقسى, سالماق قوسىپ, اناسىمەن بىرگە اۋرۋحانادان شىعۋعا دايىندالىپ جاتىر.
كوپبالالى انانى تاراز قالاسىنىڭ اكىمى رۇستەم داۋلەت ارنايى قۇتتىقتاپ, وسى جانۇياعا ىزگى تىلەكتەرىن ايتتى.