پورتالدىڭ حابارلاۋىنشا, ءبىرىنشى اۋىر سالماقتا WBA تۇجىرىمى بويىنشا الەم چەمپيونى بەيبىت شۇمەنوۆ (17-2, 11 كو)استانادا ەحرو كەزىندە وتەتىن بوكس كەشىندە جۇدىرىقتاسۋعا دايىن ەكەنىن ايتقان.
«جۋىردا عانا جاقىن دوسىم قانات يسلاممەن سويلەستىم. ول استانادا جەكپە-جەك وتكىزەتىنى تۋرالى ايتىپ, وعان مەنى دە قاتىسۋىمدى سۇرادى. مەن ەگەر مۇمكىندىك بولاتىن بولسا, ءوز حالقىمنىڭ الدىندا قۋانا جەكپە-جەك وتكىزەتىنىمدى ايتتىم. ارينە, مەنىڭ دە بۇل بوكس كەشىنە قاتىسقىم كەلەدى. الەمنىڭ ءار جەرىندە جەكپە-جەك وتكىزىپ جۇرگەن ەلىمىزدىڭ بوكسشىلارى جينالىپ, استانادا ونەر كورسەتسەك, بۇل جانكۇيەرلەر ءۇشىن ۇمىتىلماس ەستەلىك بولارىنا سەنەمىن. تەك قازاقستاندىق جانكۇيەرلەر ءۇشىن ەمەس, الەمدەگى كاسىپقوي بوكسقا قىزىعاتىندار ءۇشىن بۇل وتە قىزىق. سەبەبى قازاق بوكسشىلارىنىڭ جۇدىرىقتاسۋ ءستيلىن شەتەلدىكتەر جاقسى كورەدى, جوعارى باعالايدى. قازاقستاندىق جانكۇيەرلەر الدىندا جەكپە-جەك وتكىزبەگەنىمە 6 جىلداي بولىپتى. ەلدىڭ قيقۋىن, قولداۋىن ساعىندىم. تاۋدا جۇگىرىپ, بۇلاق سۋىن ءىشىپ, قازى-قارتامەن قۋاتتاناتىن كۇن دە الىس ەمەس سياقتى. 9 قىركۇيەكتە الەم نازارى استانادا بولادى!», — دەيدى شۇمەنوۆ.