پارلامەنت سەناتىندا قارجى جانە بيۋدجەت كوميتەتىنىڭ باسشىسى قايرات يششانوۆتىڭ توراعالىق ەتۋىمەن «كەدەن وداعى – ينتەگراتسيانىڭ ءوزارا ءتيىمدى ءپىشىنى» تاقىرىبى بويىنشا دوڭگەلەك ۇستەل وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى.
وتىرىستى اشا كەلىپ, ق.يششانوۆ كەدەن وداعىنىڭ قىزمەتىن رەتتەيتىن زاڭنامانى ودان ءارى جەتىلدىرۋ تۇرعىسىندا تالقىلاۋلاردىڭ ماڭىزدىلىعىن اتاپ ءوتتى. سەناتور اتاپ وتكەندەي, قازىرگى كەزدە كەدەن وداعى اۋماعىنا بىرىڭعاي كەدەن تاريفتەرى ەنگىزىلدى, كەدەن الىمدارى مەن ەكونوميكالىق شەكتەۋلەر الىنىپ تاستالدى. بۇل, ساراپشىلاردىڭ پىكىرىنشە, كەدەن وداعىنا قاتىسۋشى مەملەكەتتەردىڭ ىشكى جالپى ءونىمىن 5 جىل بويى 15 پايىزعا ۇلعايتۋعا ءمۇمكىندىك بەرەدى. ق.يششانوۆتىڭ ايتۋىنشا, مەملەكەتتەر اراسىنداعى كەدەرگىلەردىڭ جويىلۋى مەن تاۋارلاردىڭ ەركىن قوزعالىسى ءباسەكەلەستىكتى دامىتۋعا ىقپال ەتەدى, ول ءوز كەزەگىندە وندىرىلەتىن ءونىم مەن باعانى تومەندەتۋگە جاردەمدەسەدى.
بىرىڭعاي ەكونوميكالىق كەڭىستىك ماسەلەلەرىنە قاتىستى سەناتور بەك اياسىنداعى ىقپالداستىق ۇدەرىستەرىن دامىتۋ ساۋدا جانە ەكونوميكالىق قاتىناستاردى ودان ءارى تەرەڭدەتۋگە, قاتىسۋشى مەملەكەتتەردىڭ سىرتقى نارىقتارداعى باسەكەگە قابىلەتتىلىگىن ارتتىرۋدا بىرىگۋگە ىقپال ەتەتىنىن ايتتى. «بەك-ءتىڭ قۇرىلۋى حالىقتىڭ شەكارا اسۋىنا شەكتەۋدى الىپ تاستاي وتىرىپ, بىرىڭعاي ەڭبەك رىنوگىن قالىپتاستىرۋعا, جۇمىسسىزدىق دەڭگەيىن رەتتەۋ ساياساتىن كۇشەيتۋگە مۇمكىندىك بەرەدى», دەدى ق.يششانوۆ.
تالقىلاۋ بارىسىندا ءسوز العان سەناتور ن.نۇرمانبەتوۆ ىقپالداستىق تۇرعىسىندا بىرلەسۋ ءىس-قيمىلىن قۇقىقتىق تۇرعىدان قامتاماسىز ەتۋگە نازار اۋداردى. كەدەن وداعىنىڭ كەدەن كودەكسى تۋرالى كەلىسىم 2010 جىلدىڭ 1 شىلدەسىنەن باستاپ كۇشىنە ەنگەننەن كەيىن بەلارۋس, قازاقستان مەن رەسەي فەدەراتسياسىنىڭ بىرىڭعاي كەدەن اۋماقتارىندا كەدەندىك رەتتەۋدىڭ بىرىڭعاي جۇيەسى جۇمىس ىستەي باستادى.
پارلامەنت سەناتى كەدەن وداعىنىڭ كەلىسىم-قۇقىقتىق بازاسىن نىعايتۋ, بىرىڭعاي كەدەن ءتاريفىن ەنگىزۋ ءۇشىن جاعداي قالىپتاستىرۋ, سىرتقى ساۋدا جانە كەدەندىك رەتتەۋ, سانيتارلىق, ۆەتەريناريالىق جانە فيتوسانيتارلىق باقىلاۋ ءجونىندەگى (30-دان استام) زاڭ جوبالارىن قابىلدادى. كەدەن وداعىنىڭ ينستيتۋتتىق قۇرىلىمدارىن دامىتۋ جونىندەگى بازا قالىپتاستى.
كەدەن وداعىنىڭ بىرىڭعاي كەدەندىك اۋماقتارىندا بىردەي كەدەندىك اكىمشىلىكتەندىرۋدىڭ ءتۇرلەرى مەن تاسىلدەرىن قامتاماسىز ەتۋ ماقساتىندا حالىقارالىق كەلىسىمدەردىڭ جوبالارى قوسىمشا ازىرلەندى. ول ەۋرازەق اياسىنداعى كەدەن وداعىنا مۇشە مەملەكەتتەردىڭ كەدەن قىزمەتتەرى وكىلدىكتەرىنىڭ كەدەن ىستەرى ءجونىندەگى ىنتىماقتاستىعى مەن ءوزارا كومەكتى, كەدەن وداعىنىڭ سىرتقى شەكاراسىنداعى كولىك باقىلاۋىن جۇزەگە اسىرۋ, كەدەن وداعىنا ءمۇشە مەملەكەتتەر كەدەن قىزمەتتەرىنىڭ بىرلەسكەن ارىپتەستىگى قۇجاتتارى.
«دوڭگەلەك ۇستەل» وتىرىسىندا ءوزارا ساۋدا بارىسىنداعى تاۋارلاردىڭ ەركىن اينالىمىن قامتاماسىز ەتۋ, ءۇشىنشى ەلدەرمەن ساۋدا ءۇشىن قولايلى جاعداي تۋعىزۋ, كەدەن وداعىنا مۇشە مەملەكەتتەردىڭ ەكونوميكالىق ىنتىماقتاستىعىن ودان ءارى دامىتۋ تۋرالى دەپۋتاتتاردىڭ ساۋالدارىنا ەكونوميكالىق دامۋ جانە ساۋدا ءمينيسترىنىڭ ورىنباسارى ق.بيشىمباەۆ جاۋاپ بەردى.
شارادا ءسوز العان قارجى مينيسترىنىڭ ورىنباسارى ر.ءدالەنوۆ, اۋىل شارۋاشىلىعى مينيسترىنىڭ ورىنباسارى س.حاسەنوۆ, كولىك ءجانە كوممۋنيكاتسيا مينيسترىنىڭ ورىنباسارى ا.بەكتۇروۆ, دەنساۋلىق ساقتاۋ ءمينيسترىنىڭ ورىنباسارى ە.ءبايجۇنىسوۆ, «اتامەكەن» وداعى» قازاقستان ۇلتتىق ەكونوميكالىق پالاتاسى باسشىسىنىڭ ورىنباسارى ا.ەۆنيەۆ, يندۋستريا جانە جاڭا تەحنولوگيالار مينيسترلىگى ونەركاسىپ كوميتەتىنىڭ توراعاسى ا.تاسپيحوۆ الىس شەتەلدەرمەن ىنتىماقتاستىقتىڭ كەلەشەگى, مەملەكەتتىك ورگانداردىڭ بيزنەس ورتالارىمەن ءوزارا ءىس-قيمىلى, ترانزيتتىك-كولىك الەۋەتىن, بىرىڭعاي كەدەندىك-تاريفتىك رەتتەۋ سالاسىنداعى قۇقىق قولدانۋ تاجىريبەسىن دامىتۋ تۋرالى دەپۋتاتتاردىڭ كوپتەگەن ساۋالدارىنا جاۋاپ بەردى.
تالقىلاۋ ناتيجەسى بويىنشا ءتيىستى ۇسىنىس ازىرلەندى.