قىتايدىڭ «Singer 2017» ءان بايقاۋىنىڭ قاتىسۋشىسى, وتانداسىمىز ديماش قۇدايبەرگەن ءوزىنىڭ ينستاگرامداعى پاراقشاسىندا بارشا ايەل قاۋىمىن 8 ناۋرىز – حالىقارالىق ايەلدەر كۇنى مەرەكەسىمەن قۇتتىقتادى.
«قۇرمەتتى, اسىل جاندى انالار, اق جاۋلىقتى اجەلەر, اقىلى مول اپالار, قىلىقتى قارىنداستار! كوكتەم كەلگەن كەزدە كوڭىلىمىزدى جادىراتاتىن نازىك جانداردىڭ مەرەكەسى قاتار كەلەدى. ءار ايەل – باقىتتى بولۋعا لايىقتى! ءار نازىك جاندىلار – سۇيىكتىسىنىڭ نازارىندا بولۋعا لايىقتى! بارشاڭىزدى حالىقارالىق ارۋلار مەرەكەسىمەن قۇتتىقتاي وتىرىپ, دەندەرىڭىزگە ساۋلىق, كوتەرىڭكى كوڭىل-كۇي تىلەيمىن! بۇگىنگى قىز – ەرتەڭگى انا, ال الەمدى تەك سىزدەر عانا تەربەتە الاسىزدار! مەرەكەلەرىڭىزبەن!!! قۇشاقتادىم بارشاڭىزدى!», دەپ جازدى ءانشى.