مەملەكەتتىك ساتىپ الۋلار جۇيەسى جەتىلدىرىلەدى

ەلباسى نۇرسۇلتان نازارباەۆتىڭ قازاق­ستان حالقى­نا ارناعان «قازاقستاننىڭ ءۇشىنشى جاڭعىرۋى: جاھان­دىق باسەكەگە قابىلەتتىلىك» اتتى جولداۋىن ءوڭىر حال­قى­نا ناسيحاتتاۋ ماق­ساتىندا قارجى مي­نيسترى باقىت سۇلتانوۆ جامبىل وبلىسىندا بو­لىپ, «نۇر وتان» پار­تيا­سى وبلىستىق في­ليالىندا وتكەن جيىنعا قاتىستى. ءوز سوزىندە ماڭىزدى قۇ­جات­­­تا ايتىلعان بەس باسىم­دىققا جەكە-جەكە توقتالعان مينيستر ءاربىر باسىمدىقتىڭ جۇكتەگەن وزگەشە مىندەتى مەن ماقساتىن دا اتاپ ءوتتى. – مەملەكەت باسشىسى قازاقستان حالقىنا جول­داۋىن­دا رەسپۋبليكانىڭ جاھان­دىق باسەكەگە قابىلەتتىلىگىن قام­تا­ما­سىز ەتەتىن ەلىمىز­دىڭ ءۇشىن­شى جاڭعىرتىلۋىن ءجۇر­گىزۋ مىندەتىن قويدى. جاڭا جاھاندىق قۇبىلىستا ەلىمىزدىڭ باسەكەگە قابىلەت­تىلىگى – بۇل جاھاندىق پرو­تسەسكە جاڭا يندۋستريالار قۇرۋ­دى بەلسەندى ەنگىزۋ. جاڭا يندۋس­تريالاردى دامىتۋمەن قاتار, ەكونوميكانىڭ ءداستۇر­لى سالالارىنىڭ بەلسەندى جاڭ­عىرۋىن ەنگىزۋ قاجەتتىگى دە ما­ڭىزدى, – دەدى باقىت تۇرلىحان ۇلى. سونداي-اق, مينيستر ءوز سوزىندە كاسىپكەرلىك باستا­ما­شى­لىق پەن حالىقتىڭ ىسكەرلىك قابىلەتىن قولداي وتىرىپ, ەكونوميكاداعى مەم­لەكەتتىڭ ءرولىن قىسقارتۋ قاجەتتىگىنە ەرەكشە نازار اۋداردى. ب.سۇل­تانوۆتىڭ ايتۋىنشا, قاۋىپسىزدىكتى قام­تاماسىز ەتۋ ءۇشىن 2017-2020 جىلدارعا ارنالعان ءدىني ەكسترەميزم مەن تەر­روريزمگە قارسى ارە­كەت ءجونىن­دەگى مەملەكەتتىك باع­دارلاما جانە كيبەر­قىل­مىسپەن كۇرەس ءۇشىن «قازاق­ستان كيبەرقالقانى» جۇيەسى قابىلداناتىن بولادى. سى­بايلاس جەمقورلىقپەن كۇرەس ماسەلەسىندە ونىڭ سەبەپ­تەرى مەن العىشارتتارى انىق­تا­لىپ, ولاردى جويۋ باعى­تىن­­داعى جۇمىستىڭ كۇشەي­ت­ىلە­تىنىن ايتقان مينيستر اتال­عان ماقسات ءۇشىن ورتالىق­تان­دىرىلعان قىزمەت قاعيداتى بويىنشا مەملەكەتتىك ساتىپ الۋلار جۇيەسىن جەتىلدىرۋ كوزدەلگەنىن دە اتاپ ءوتتى. حاميت ەسامان, «ەگەمەن قازاقستان» جامبىل وبلىسى