ۇندىستانداعى تاميل-نادۋ شتاتىندا مىڭداعان دۇكەندەر 1-ناۋرىزدان باستاپ Coca-Cola مەن Pepsi سۋسىندارىن ساتۋدان باس تارتتى, دەپ جازادى ۆۆس. باسىلىمنىڭ حابارلاۋىنشا, جەرگىلىكتى بيلىك شەتەلدىك سۋسىنداردان باس تارتىپ, تەك وتاندىق ونىمدەردى ساتۋدى ۇسىنعان. ال بەلسەندىلەردىڭ ايتۋىنشا, حالىقارالىق كومپانيالار ءۇندىستاننىڭ سۋ رەسۋرستارىن شىعىنداۋدا. وتكەن ايدا بۇل شتاتتا قارسىلىق اكتسيالارى وتكەن. سول كەزدەن باستاپ Pepsi مەن Coca-Cola ونىمدەرىنە سۇرانىس تومەندەي باستاعان.
ساۋدا اسسوتسياتسيالارى شتات تۇرعىندارى گازدى سۋسىنداردى ءوز ەرىكتەرىمەن تۇتىنۋدان باس تارتىپ وتىرعانىن ايتتى. ال 1-ناۋرىزدان باستاپ ونىڭ قۇرامىنا كىرەتىن دۇكەندەر شەتەلدىك كومپانيالاردىڭ سۋسىندارىن ساتىپ الۋدى دوعارعان. Indian Express باسىلىمىنىڭ ايتۋىنشا, تۇگەلدەي باس تارتپاس بۇرىن ساتۋشىلار قالعان سۋسىنداردى جەڭىلدىكپەن ساتىپ جىبەرگەن. ازىرگە بىرنەشە ايدىڭ قورىن بىردەن ساتىپ التىن ءىرى ساۋدا ورىندرىنىڭ قانداي شەشىمگە كەلەتىنى بەلگىسىز.
•
01 ناۋرىز, 2017
ءۇندىستان Coca-Cola مەن Pepsi-گە بويكوت جاريالادى
240 رەت
كورسەتىلدى