قوستاناي قالاسىنىڭ بيلىگى 1 ناۋرىزدان باستاپ قوعامدىق كولىكتەردەگى جول ءجۇرۋ اقىسىن كوتەرۋ تۋرالى ۇكىم شىعاردى, دەپ حابارلايدى «قازاقپارات».
ەندى قوستانايلىقتار اۆتوبۋستاردا جول ءجۇرۋ ءۇشىن 60 تەڭگەنىڭ ورنىنا 80 تەڭگە تولەيتىن بولادى. قالا شەتىنە جانە ساياجايلارعا باراتىن قوعامدىق كولىكتەردەگى جولاقى قۇنى «ءابىر شاقىرىمعا – 5 تەڭگە» ءتاريفى بويىنشا بەلگىلەنەدى. 7 جاسقا دەيىنگى بالالار, ۇلى وتان سوعىسىنىڭ ارداگەرلەرى مەن قاتىسۋشىلارى, 1 جانە 2 توپتاعى كوزى ناشار كورەتىن مۇگەدەكتەر ءۇشىن جول اقىسى تەگىن. 7-15 جاس ارالىعىنداعى بالالارعا 50% جەڭىلدىك ساقتالادى. زەينەتكەرلەر بارلىق باعىت بويىنشا بەلگىلەنگەن تاريفتەن 10 تەڭگە از تولەيتىن بولادى.
ايتا كەتەيىك, قوستانايدا جول ءجۇرۋ اقىسى ءۇش جىل بويى كوتەرىلمەي كەلگەن ەدى.